Zifíidos

Na Galipedia, a Wikipedia en galego.
Zifíidos
Ziphiidae

Rango fósil: mioceno - actualidade
Zifio de Sowerby (Mesoplodon bidens)
Zifio de Sowerby (Mesoplodon bidens)
Clasificación científica
Reino: Animalia
Filo: Chordata
Subfilo: Vertebrata
Clase: Mammalia
Orde: Cetacea
Suborde: Odontoceti
Superfamilia: Ziphioidea
Gray, 1850
Familia: Ziphiidae
Gray, 1850
Sinonimia
Referencia:[1]
  • Ananarcinae Gill, 1871
  • Heterodontidae Girard, 1852
  • Hyperoodontidae Gray, 1846
  • Xiphidae Ameghino, 1889
  • Ziphiinae Brandt, 1873

Os zifíidos [2] (Ziphiidae) son unha familia de cetáceos odontocetos, a única da superfamilia dos zifioideos, que inclúe os zifios.

Trátase da familia de grandes mamíferos menos coñecida: varias das súas especies non se descubriron até as dúas últimas décadas.

Os zifios son o segundo grupo de cetáceos en canto a número de especies, despois da familia dos golfiños, e foron un dos primeiros que diverxeron da liñaxe ancestral.

Os fósiles máis antigos encontráronse en sedimentos do mioceno, de hai uns 20 millóns de anos.

Etimoloxía[editar | editar a fonte]

O nome da familia, Xiphiidae, foi cuñado por John Edward Gray en 1850,[3] e formado, como é obrigatorio, sobre a base da raíz do nome do xénero elixido como tipo, Ziphius, -is, en xenitivo, é dicir, Ziphi-, engadíndolle a desinencia -idae, propia das familias dos animais.

En canto ao nome do xénero, Ziphius, débese a Cuvier, que o establecera en 1823 e que todo parece indicar que o derivou dunha adaptación do grego antigo ξίφος xíphos "espada", en alusión ao estreito bico destes animais.[4]

Caracteristicas[editar | editar a fonte]

Zifio de Arnoux na Antártida.

Os membros desta familia teñen un tamaño medio (para cetáceos), comprendido entre os 2 e os 14 m de lonxitude, e un peso que vai desde 1 a 15 t. A súa principal característica distintiva é a presenza dun fociño fino, similar ao de moitos golfiños, pero aínda máis estreito e dous sucos que converxen na garganta. Tamén se caracterízan por teren a aleta caudal sen escotadura, as pectorais e a dorsal pequenas, e esta última situada nunha posición moi posterior.[5]

Aínda que Tasmacetus shepherdi é unha excepción, a maioría das especies desta familia só tenen un ou dous pares de dentes, e incluso estes poden faltar nas femias. A miúdo presentan dimorfismo sexual marcado.[6]

Coñécese moi pouco sobre a vida destes cetáceos, e mesmo algunhas especies, estudadas a partir de exemplares mortos, nunca se observaron en vida, probabelmente debido a que os seus hábitats están en augas oceánicas, moi afastadas das costas. Actualmente coñécense unhas 20 especies, pero podería haber outras aínda descoñecidas.[5]

Taxonomía[editar | editar a fonte]

(Nota: os nomes vulgares galegos incluídos son os propostos por Lahuerta e Vázquez no seu Vocabulario).[7]

A familia dos zifíidos comprende 6 xéneros cun total de 21 especies.[8] [1]

Ordo Cetacea

Xéneros Incertae sedis

Notas[editar | editar a fonte]

  1. 1,0 1,1 Ziphiidae en WoRMS.
  2. zifíidos no dicionario da RAG
  3. Ziphiidae en Paleobiology Database.
  4. Merriam-Webster's Unabridged Ditionary.
  5. 5,0 5,1 Zifios en Centro de Conservación Cetacea (CCC), de Chile.
  6. Christensen, Ivar (1984). Macdonald, D., ed. The Encyclopedia of Mammals. New York (Facts on File). pp. 210–211. ISBN 0-87196-871-1. 
  7. Lauherta e Vázquez (2000), pp. 313-314.
  8. Giovanni Bianucci, Ismael Miján, Olivier Lambert, Klaas Post e Octávio Mateus (2013): "Bizarre fossil beaked whales (Odontoceti, Ziphiidae) fished from the Atlantic Ocean floor off the Iberian Peninsula". Geodiversitas 35 (1): 105–153. Resume (en inglés) (en francés) e Artigo completo en PDF (en inglés)

Véxase tamén[editar | editar a fonte]

Commons
Commons ten máis contidos multimedia sobre: Zifíidos
Wikispecies-logo.svg
Wikispecies posúe unha páxina sobre: Zifíidos

Bibliografía[editar | editar a fonte]

  • Lahuerta Mouriño, Fernando e Francisco X. Vázquez Álvarez (2000): Vocabulario multilingüe de organismos acuáticos. Santiago: Xunta de Galicia. ISBN 84-453-2913-8.
  • Wilson, D. E. & Reeder, D. M. (eds.) (2005): Mammal Species of the World. A Taxonomic and Geographic Reference. Third edition. ISBN 0801882214.

Outros artigos[editar | editar a fonte]

Ligazóns externas[editar | editar a fonte]