Condutor eléctrico

Fío de cobre como condutor eléctrico.

Un material condutor é aquel que permite que a electricidade, a calor ou o son pasen por el. Un condutor eléctrico conduce a electricidade. A capacidade de conducir electricidade chámase condutividade eléctrica. Un excelente condutor eléctrico ten alta condutividade e baixa resistividade. A resistividade eléctrica é o recíproco/oposto da condutividade.

Materiais e condutividade eléctrica

Algúns materiais son semicondutores. Isto significa que a electricidade pode fluír a través deles até unha determinada temperatura e por debaixo desa os semicondutores non pasan a electricidade.

Algúns materiais son resistencias. Isto significa que a electricidade non pasa facilmente por eles.

Un material que detén a corrente eléctrica chámase 'illante' ou 'illador'. Os fíos están cubertos con materiais illantes como plástico para evitar que a electricidade saia do cable.

Algúns materiais cando están moi fríos son supercondutores, isto é que non ofrecen resistencia ao fluxo de electricidade. A resistencia da maioría dos condutores aumenta a temperaturas máis altas.

Exemplos de materiais condutores

Algúns dos condutores eléctricos destacados inclúen:

• Cobre
• Aluminio
• Ouro
• Prata
• Auga
• Pel humana

Os metais, como o ferro e o cobre, empréganse para fabricar fíos para transportar corrente eléctrica. O plasma é un excelente condutor de electricidade e úsase para moitos propósitos, pero os metais son máis utilizados.

A auga impura (con materiais disoltos) tamén pode conducir a electricidade. Os tecidos vivos, como no corpo humano, son húmidos e, polo tanto, condutores da electricidade.

Véxase tamén

• Campo eléctrico
• Cable

• Circuíto eléctrico
• Corrente eléctrica
• Electrón
• Resistencia eléctrica

• Supercondutor

• Semicondutor