Conde de Torrecedeira
 |
Este artigo non contén imaxes. Pode axudar cargando imaxes, na Galipedia ou en Wikimedia Commons, relacionadas co contido do artigo, ou incluíndo unha xa existente. Debe ter en conta as políticas de uso de imaxes e o respecto dos dereitos de autor. |
Conde de Torrecedeira é un título nobiliario concedido pola raíña rexente María Cristina de Habsburgo-Lorena en Real Despacho de 3 de xaneiro de 1891[1] a Manuel Bárcena y Franco, que foi alcalde de Vigo e fundador da Caja de Ahorros-Monte de Piedad de Vigo.
Índice |
[editar] Descendencia
O primeiro conde, casado con Dolores de Andrés-García y López, deixou o título ó seu primoxénito, Manuel Bárcena de Andrés, cónsul de Inglaterra en Vigo e primeiro presidente do Real Club Celta, que casou con Obdulia de Castro y Montenegro.
Cando morreu, o título pasou o seu primoxénito Manuel Bárcena de Castro, que faleceu en 1962 sen fillos.
Obtivo carta de sucesión o irmán, Felipe Bárcena de Castro, casado con María del Pilar Varela de Limia y Pais. Ó pasamento pasou a ser o quinto conde o primeiro fillo, Felipe Bárcena y Varela de Limia, naturalista nado en Madrid en 1946 e primeiro presidente da Asociación de Amigos de los Pazos.[2]
[editar] Escudo
O escudo de armas é o dos Bárcena. En campo de goles, seis basantes de prata dispostos dous, dous e dous. Timbrado con coroa condal.
[editar] Notas
- ↑ López-Chaves Meléndez, Juan Manuel y Amor Moreno, Grato Ernesto, Inventario de pazos y torres de la provincia de Pontevedra, 1998, ISBN 84-86845-09-02.
- ↑ Enciclopedia Galega Universal, Ir Indo.
