Canón submarino

Na Galipedia, a Wikipedia en galego.
Imaxe en perspectiva do fondo da costa de San Gabriel e Os Ánxeles (California, Estados Unidos). Móstranse os canóns submarinos de San Gabriel (A) e Newport (B), este último formado por varios brazos que se abren cerca da cidade dos Ánxeles. (A exaxeración vertical do diagrama é de seis veces).

Un canón submarino é un val de ladeiras inclinadas situado no noiro continental e cuxa formación está frecuentemente relacionada cun río actual ou antigo no continente lindeiro, como se se tratara dun prolongamento do val dese río precursor.

Na maioría dos casos, a plataforma continental cobre unha parte do canón, sobre todo cando dita plataforma é bastante extensa e cunha pendente escasa, tal como se ve no caso dos canóns submarinos ao oeste dos Ánxeles.

Noutras ocasións, o canón submarino tamén corta á plataforma continental, polo que chega practicamente á desembocadura do río que lle deu orixe, como son os casos do río Hudson (Nova York) e o río Congo, no oeste de África.

A formación dos canóns submarinos é un proceso xeolóxico que require unha enorme cantidade de tempo e que pon de manifesto a eterna oposición entre os movementos construtores e destrutores do relevo terrestre.

Véxase tamén[editar | editar a fonte]

Bibliografía[editar | editar a fonte]

  • Ancechea Soto, Eumenio, Francisco Anguita Virella e Fernando Moreno Serrano(1990): Geología: procesos externos. Zaragoza: Editorial Luis Vives. ISBN 84-263-0470-2.
  • Strahler, Arthur Newell (1970): Physical Geography 2nd edition. New York: John Wiley & Sons, Inc. ISBN 978-0471831686.

Outros artigos[editar | editar a fonte]