Cadena Azul de Radiodifusión
| Cadena Azul de Radiodifusión | |
|---|---|
| Tipo | emisora de radio |
| Data de fundación | 1954 |
| Data de disolución | 1974 |
| Organización matriz | Frente de Juventudes de FET de las JONS |
| País | España |
| [ editar datos en Wikidata ] | |
Cadena Azul de Radiodifusión (CAR) foi unha rede de emisoras de radio públicas baixo o control de Frente de Juventudes de FET de las JONS. Creada en 1954, foi fusionada coa Red de Emisoras del Movimiento para dar lugar a Radiocadena Española en 1974. As estacións locais eran denominadas como "Radio Juventud".
Historia[editar | editar a fonte]
Na década de 1940, Frente de Juventudes, rama xuvenil da FET de las JONS, creara as "emisoras escola" coas que pretendía formar a mozos e mozas en profesións relaccionadas coa radiodifusión. A primeira delas foi a fundada polo Sindicato Español Universitario en Madrid en 1941.[1] No ano 1954, estas "emisoras escolas" foron agrupadas na Cadena Azul de Radiodifusión. Con todo, a rede non emitía en cadea, senón que a maioría da programación era elaborada a nivel local. Na grella, predominaba o entretemento con emisións musicais, os concursos e as dedicatorias de cancións.[2] Os contidos informativos limitábanse á lectura da prensa escrita local e á conexión obrigatoria co parte de Radio Nacional de España. Malia a seren de titularidade pública e a que FET de las JONS nomeaba á dirección, as emisoras financiábanse autonomamente mediante a publicidade e achegas dos clubs de oíntes.[2][3] En 1974, acabou sendo fusionada con outras redes públicas de radiodifusión para dar lugar a Radiocadena Española, integrada en RTVE antes de desaparecer en 1989.[4][5]
Galicia[editar | editar a fonte]
En Galicia, existiron varias emisoras da Cadena Azul de Radiodifusión, eran Radio Juventud de Ribadavia (creada en 1949), Radio Juventud da Coruña (fundada en 1952) e Radio Juventud de Monforte de Lemos (dende 1953).
Notas[editar | editar a fonte]
- ↑ "RADIO JUVENTUD DE ESPAÑA - Historia". arec.es. Arquivado dende o orixinal o 16 de abril de 2023. Consultado o 2023-04-11.
- ↑ 2,0 2,1 "CADENA AZUL DE RADIODIFUSIÓN". arec.es. Arquivado dende o orixinal o 10 de xuño de 2023. Consultado o 2023-04-11.
- ↑ Región, La (2019-05-17). "Radio Juventud de Ribadavia". La Región (en castelán). Consultado o 2023-04-11.
- ↑ "BOE-A-1978-11994 Real Decreto 922/1978, de 14 de abril, por el que se crea una Comisión de Tutela para la incorporación a Radio-televisión Española de Radio Cadena Española, Cadena de Emisoras Sindicales y Radio Peninsular.". www.boe.es. Consultado o 2023-04-11.
- ↑ Contreras, José Miguel (1988-07-20). "Aprobada la fusión de Radio Nacional de España y Radiocadena Española". El País (en castelán). ISSN 1134-6582. Consultado o 2023-04-11.
