Brewster F2A Buffalo
| Brewster F2A Buffalo | |
|---|---|
 |
|
| F2A-2 Buffalo | |
| Tipo | caza embarcado |
| Fabricante | Brewster Aeronautical Corporation |
| Primeiro voo | 2 de decembro de 1937 |
| Introducido | abril de 1939 |
| Retirado | 1948 |
| Construídos | 509 |
O Brewster F2A Buffalo foi un caza estadounidense usado durante a Segunda Guerra Mundial. Comezou a desenvolverse no verán de 1935 e realizou o seu primeiro voo o 2 de decembro de 1937. Foi o primeiro caza monoplano da US Navy, entrando en servizo en xuño de 1939.
A súa primeira versión, a F2A-1 non se considerou axeitada para o servizo embarcado, e todos os exemplares agás 11 foron cedidos a Finlandia a principios de 1940. Os 43 aparellos cedidos foron substituídos polo mesmo número de F2A-2, que tiña un motor máis potente e algunha mellora máis. A súa principal variante de serie sería a F2A-3, que viña equipada con blindaxe, polo que as súas prestacións operacionais se viron bastante minguadas.
Ademais dos que entraron en servizo cos Estados Unidos, costruíronse ao redor de 300 exemplares como cazas terrestres para Bélxica, as Indias Orientais Neerlandesas e Reino Unido.
