Banco Bilbao Vizcaya Argentaria
O Banco Bilbao Vizcaya Argentaria (BBVA) é unha entidade bancaria española con participación en entidades financieiras de máis de trinta países.
O Banco ten a súa sede social na cidade de Bilbao (País Vasco), aínda que a maior parte dos servizos centrais da entidade atopánse en Madrid (2009), concentrados na Torre BBVA (oficinas centrais do banco); conta con preto de 109.000 empregados, así como uns 35 millóns de clientes esparecidos en máis de 30 países por todo o mundo e aproximadamente 1 millón de accionistas. O banco ven de vender no 2009, a maior parte dos seus edificios corporativos en Madrid, e nun futuro vindeiro planea mudarse a unha nova cidade financieira que se está a proxectar ao norte da capital madrileña.
Nun proceso de deslocalización no que leva inmerso o banco dende o ano 2007, a dirección decidiu levar a cabo unha política de externalización de servizos e custes, trasladando moitos dos procesos administrativos e de operacións que se estaban a facer en servizos centrais (en Madrid e Bilbao) cara á cidade andaluza de Málaga e noutras cidades situadas no continente iberoamericano, externalizando os servizos nunha empresa pertenecente ao grupo BBVA chamada OP PLUS Operacións e Servizos, aforrandose tanto custes económicos como sociais.
Índice |
[editar] Historia
O BBVA foi creado en 1999 como resultado da fusión das seguintes entidades bancarias:
- Banco Bilbao Vizcaya (BBV), creado en 1988 mediante a fusión, á vez, de:
- Banco de Bilbao, fundado en 1857 en Bilbao.
- Banco de Vizcaya, fundado en 1901, tamén en Bilbao.
- Argentaria (Corporación Bancaria de España), entidade pública fundada en 1991 e privatizada entre 1993 e 1998, formada mediante a fusión de diversos bancos de propiedade pública, entre os que destacaban:
A súa vez cando se formalizou a fusión entre o BBV e Argentaria, fusionarónse tamén outras entidades que pertenecían ao grupo, como o Banco de Alicante, o Banco do Comercio, ou a Banca Catalana.
En febreiro do 2007 o BBVA anunciou a merca do banco estadounidense Compass Bancshares por un importe de 9.600 millóns de dólares, e o seu plan de fusionar as catro entidades bancarias para crear a maior entidade do sur do país[1]
A partir de xulio de 2007, o empresario galego Manuel Jove, anterior propietario de máis da metade de Fadesa, converteuse no principal accionista do BBVA, ao mercar un 4,9 % deste (174 millóns de accións) por 3.285 millóns de euros. Malia ter ao maior accionista de orixe galega, dito idioma é discriminado no banco, nas súas relacións ca clientela desa comunidade en España.
[editar] Patrocinios deportivos
Desde a tempada 2006/2007 o banco patrocina e da nome (Liga BBVA) á Segunda División A do fútbol español. Desde a tempada 2008/2009, o banco patrocina a primera división española, que tamén mudou o nome e pasou a chamarse Liga BBVA. O banco mantén o patrocinio da Segunda, que agora se denomina "Liga Adelante" (o eslogan do banco).
[editar] Premios Fundación BBVA Fronteiras do Conocemento e a Cultura
A Fundación BBVA convoca anualmente os Premios Fundación BBVA Fronteiras do Conocemento e a Cultura, cuio propósito é recoñocer e incentivar a investigación e a creación cultural, en especial aquelas contribucións de amplo impacto pola súa orixinalidade e implicacións teóricas, así como pola súa capacidade de orixinar innovacións prácticas. A denominación destos premios quere significar tanto o traballo de investigación capaz de artellar o conocemento e amplialo, desplazando cara adiante e de maneira continua, a fronteira do conocido, como o encontro entre áreas disciplinares.
Os Premios Fundación BBVA Fronteiras do Conocemento e a Cultura teñen periodicidade anual, con oito categorías: Ciencias Básicas (Física, Química, Matemáticas); Biomedicina; Ecoloxía e Bioloxía da Conservación; Tecnoloxías da Información e a Comunicación; Economía, Finanzas e Xestión de Empresas; Música contemporánea; Troco climático e Cooperación ao desenvolvemento.
[editar] Filiais
- Uno-e Bank (Banco pertenecente ao grupo BBVA que só opera por internet)
- BBVA Alemaña (en Alemaña)
- BBVA Banco Francés (en Arxentina)
- BBVA Consolidar (en Arxentina)
- BBVA Previsión AFP(en Bolivia)
- BBVA Brasil (no Brasil)
- BBVA Bélgica (en Bélxica)
- Banca en liña BBVA Bélxica (BBVAnet en Bélxica)
- BBVA Chile
- BBVA Provida AFP (en Chile)
- BBVA Colombia (en Colombia)
- BBVA Horizonte AFP (en Colombia)
- BBVA España (en España) na banca por internet se amosa nos idiomas: castelá, catalán, éuskara e inglés
- BBVA Francia (en Francia)
- Banca en liña BBVA Francia (BBVAnet en Francia)
- BBVA Hong Kong (en Hong Kong)
- BBVA Bancomer México (en México)
- Bancomer Afore México (en México)
- BBVA Panamá (en Panamá)
- BBVA Banco Paraguai (no Paraguai)
- BBVA Banco Continental (en Perú)
- BBVA Horizonte AFP (en Perú)
- BBVA Portugal (en Portugal)
- BBVA Porto Rico (en Porto Rico)
- BBVA Reino Unido (no Reino Unido)
- Banca en liña BBVA United Kingdom (BBVAnet no Reino Unido)
- BBVA Banco Provincial (en Venezuela)
- BBVA Suiza (en Suíza)
- BBVA Compass USA (nos Estados Unidos de América)
[editar] Notas
- ↑ "BBVA planea fusionar cuatro bancos para crear la mayor entidad del sur de EEUU", artigo en El País, 16 de febreiro de 2007 (en castelán).
[editar] Ligazóns externas
- Grupo BBVA Sitio Corporativo (en castelán).
- Fundación BBVA (en castelán).
- Informe "Los 50 bancos más seguros del mundo en 2009" segundo a revista The banker (en castelán).
