Angy Fernández

Angy Fernández

Biografía
Nacemento	(es) Ángela María Fernández González 5 de setembro de 1990 (33 anos) Palma, España
Datos persoais
País de nacionalidade	España
Actividade
Ocupación	actriz , cantante , actriz de cinema
Período de actividade	2007 -
Lingua	Lingua castelá
Instrumento	Voz
Selo discográfico	Sony Music Entertainment
Participou en
2024	Benidorm Fest 2024
Páxina web	angyfernandez.es

Ángela María Fernández González, coñecida co nome artístico de Angy, nada o 5 de setembro de 1990 en Palma, é unha cantante e actriz española. Saltou á fama grazas a ser finalista do programa de televisión Factor X de Cuatro.

Traxectoria

En febreiro de 2007 presentouse ao cásting do programa musical Factor X da canle española Cuatro, conseguindo chegar á parte final do programa dentro da categoría de entre 16 e 24 anos.

Publicou o seu primeiro álbum o 12 de febreiro de 2008 coa discográfica Sony BMG, co título de Angy. O disco, de doce cancóns, tivo o tema "Sola en silencio" como primeiro sinxelo. No álbum mestura de inéditos e versións interpretados en castelán e inglés, cun estilo pop-rock moi tradicional. É un reflexo da grande versatilidade e posibilidades de Angy, que xa o demostrou en Factor X, acadando o segundo lugar.

Dende finais do ano 2007 comezou tamén a súa faceta como actriz na serie Física o química, que se emitiu en Antena 3. En 2011 participou no novo talent show de Antena 3 Tu cara me suena, resultando a gañadora desa primeira edición.

Durante o ano 2012 Angy foi colaboradora do programa Avanti ¡que pase el siguiente! de Antena 3 presentado por Carlos Sobera onde realizaba probas musicais.

Actuacións en Factor X
Programa	Canción
1	"Serenade" de Dover
2	"Torn" de Natalie Imbruglia
3	"Duele el amor" de Aleks Syntek e Ana Torroja
4	"The Look" de Roxette
5	"We Will Rock You" de The Queen
6	"Fallin'" de Alicia Keys