Amaranthus albus
| Amaranthus albus | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
| |||||||||||||||||||
| Clasificación científica | |||||||||||||||||||
| |||||||||||||||||||
| Sinonimia | |||||||||||||||||||
|
ver texto | |||||||||||||||||||
Amaranthus albus é unha especie pioneira da familia Amaranthaceae orixinaria de América do Norte, pero que se expandiu en varias partes do mundo.[1]
Descrición[editar | editar a fonte]
É unha planta herbácea, anual, con talos erectos ou rastreiros, que poden alcanzar entre 10 a 70 cm de altura. As follas son alternadas, redondeadas, ovaladas a espatuladas, pecioladas, de 5 a 50 mm de lonxitude. As inflorescencias son axilares (ou sexa, nacen nas axilas das follas) e cimosas, rodeadas de brácteas de 2 a 3,5 mm de cor verde. É unha especie monoica, as flores masculinas presentan tres sépalos e 3 estames. As femininas, tamén trímeras, cos tépalos desiguais e agudos. O froito é un pixidio, un froito seco similar a unha cápsula. As sementes teñen aproximadamente 1 mm de ancho e son de cor vermella-marrón a negro. O número cromosómico somático é 2n=32.[2][3]
Cando os froitos maduran, o talo crébase preto da súa base e a planta enteira é transportada por acción do vento, distribuíndo dese modo as pequenas sementes até sitios moi afastados.[1]
Distribución xeográfica[editar | editar a fonte]
É orixinaria das rexións tropicais de América do Norte, pero distribuíuse ao longo de todo o mundo, incluíndo África, América do Sur, Australia e Europa, onde se transformou en maleza en lugares ruderais, camiños e campos cultivados, en alturas de máis de 2200 m s. n. m..[4]
Usos[editar | editar a fonte]
As follas son comestibles cocidas e coas sementes faise fariña.[4]
Taxonomía[editar | editar a fonte]
Amaranthus albus foi descrito por Rodschied ex F.Dietr. e publicado en Vollständiges Lexicon der Gärtnerei und Botanik ed. 2, 1: 196. 1824. [5]
Etimoloxía[editar | editar a fonte]
O epíteto específico vén do latín albus significa "branco".
Sinonimia[6][editar | editar a fonte]
- Amaranthus albus var. albus
- Amaranthus albus var. monosepalus
- Amaranthus albus var. parviflorus
- Amaranthus albus var. puberulus
- Amaranthus albus var. rubicundus
- Amaranthus gracilentus
- Amaranthus graecizans var. pubescens
- Amaranthus littoralis
- Amaranthus pubescens
- Euxolus albidus
- Galliaria albida
- Glomeraria alba
Notas[editar | editar a fonte]
- ↑ 1,0 1,1 Amaranthus albus L. "Copia arquivada". Arquivado dende o orixinal o 17 de decembro de 2013. Consultado o 04 de xullo de 2023.
- ↑ Amaranthus albus (Amaranthaceae).
- ↑ Amaranthus albus Linnaeus. Flora of North America Vol. 4 Páx. 435.
- ↑ 4,0 4,1 Eduardo., Rapoport, (2009). Malezas comestibles del Cono Sur y otras partes del planeta. Instituto Nacional de Tecnología Agropecuaria. ISBN 978-987-25050-9-7. OCLC 768841913. Consultado o 2022-09-24.
- ↑ "Amaranthus albus". Tropicos.org. Missouri Botanical Garden. Consultado o 20 de outubro de 2012.
- ↑ GBIF Amaranthus albus