Altostratus

Altostratus

Os Altostratus ou Altoestratos, abreviadamente As, son un xénero de nubes que, segundo a definición adoptada pola Organización Meteorolóxica Mundial, caracterízanse por constituíren unha lámina ou capa grisácea ou azulada, de aspecto estriado, fibroso ou uniforme, que cobre por enteiro ou parcialmente ou ceo, a xeito dunha gran saba. Ten partes delgadas dabondo que permiten distinguir vagamente o Sol. A diferenza dos Cirrostratus non producen halo.

Características

Adoitan ser o groso dunha fronte cálida, atopándose mesturados cos Nimbostratus na súa parte máis activa. Tamén pode formar parte da sección media e baixa dun Cumulonimbus. Sitúanse a 3 - 7 quilómetros de altura e o seu espesor varía entre 1 e 4 qms. Asociados ás frontes cálidas adoitan dar chuvias ou nevaradas febles. Unha precipitación característica dos altostratus é a virga, precipitación líquida ou sólida que se evapora antes de chegar ao chan. Son nubes medias que se forman entre 3 e 7 quilómetros de altitude.

Especies

Non ten.

Variedades

• Altostratus translucidus.
• Altostratus opacus.
• Altostratus duplicatus.
• Altostratus undulatus.
• Altostratus radiatus.

Véxase tamén

Bibliografía

• Candel Vila, R. (1978), Atlas de meteorología, 8ªed, Ed. Jover.
• Martín León, F. e Quirantes, J. A., Cazadores de nubes, Ministerio de Educación y Ciencia, Gobierno de España.

Ligazóns externas

• Atlas fotográfico de nubes (en alemán)