Cumulonimbus

Os Cumulonimbus ou Cumulonimbos, abreviadamente Cb, son un xénero de nubes que, segundo a definición adoptada pola Organización Meteorolóxica Mundial, caracterízanse por se presentaren densas, pesadas e cun desenvolvemento vertical considerable, a xeito de montañas ou de enormes torres. Parte da súa cima é normalmente lisa, fibrosa ou estriada, e case sempre esmagada; a miúdo, exténdese en forma de engra ou dun vasto penacho. Por embaixo da base, moi escura, aparecen nubes baixas esgazadas e precipitacións.

Características

Asociadas a choivas intensas, treboadas eléctricas e saraiba, e tamén a fortes refachos de vento. Son nubes de desenvolvemento vertical que se estenden ata grandes alturas, ás veces superiores aos 14 quilómetros.

Especies

• Cumulonimbus calvus
• Cumulonimbus capillatus

Variedades

Non ten.

Trazos suplementarios

• Cumulonimbus praecipitatio
• Cumulonimbus virga
• Cumulonimbus pannus
• Cumulonimbus incus
• Cumulonimbus mammatus
• Cumulonimbus pileus
• Cumulonimbus velum
• Cumulonimbus arcus
• Cumulonimbus tuba

Véxase tamén

Bibliografía

• Candel Vila, R. (1978), Atlas de meteorología, 8ªed, Ed. Jover.
• Martín León, F. e Quirantes, J. A., Cazadores de nubes, Ministerio de Educación y Ciencia, Gobierno de España.

Ligazóns externas

• Atlas fotográfico de nubes (en alemán)