Alepocephalus

Alephocephalus é un xénero de peixes teleósteos mariños da orde dos osmeriformes, suborde dos arxentinoideos e superfamilia dos alepocefaloideos, que o tipo da familia dos alepocefálidos.

O xénero comprende vinte especies distribuídas polas costas do leste do océano Atlántico, oeste do océano Índico e leste e oeste do océano Pacífico.

Características

Son pequenos peixes caracterizados por teren a cabeza sen escamas (ao que alude o seu nome científico), longas e numerosas fendeduras das galada, e a boca armada normalmente con dentes pequenos.

Hábitat e distribución

O seu hábitat máis común son as augas profundas, por debaixo dos 1 000 m.

As vinte especies que intregran o xénero distribúense polas costas do leste do océano Atlántico, oeste do océano Índico e leste e oeste do océano Pacífico.

Taxonomía

Descrición

O xénero foi descrito en 1820 polo naturalista nizardo Antoine Risso, na súa obra Ichthyologie de Nice ou Histoire naturelle des poissons du département des Alpes Maritimes. Ler en liña, editada en París por F. Schoell.

Porén, algúns autores atribúenlle a descrición a George Brown Goode e Tarleton Hoffman Bean, en 1879.

Etimoloxía

O nome do xénero, Alepocephalus, Risso construíuno cos elementos do latín científico a-, -lep- e -cephalus, o primeiro calco da partícula negativa do grego antigo ἀ-, e o segundo e o terceiro tirados das raíces das voces gregas λεπίς lĕpís, "escama", e κεφαλή kephalḗ, "cabeza", unidas por un -o- epentético para facilitar a pronuncia, e ramatado o nome en -us, indicando nominativo masculino singular. Literalmente, "os [peixes] coa cabeza sen escamas"

Especies

O xénero conta coas seguintes vinte especies válidas:

• Alepocephalus agassizii Goode & Bean, 1883
• Alepocephalus andersoni Fowler, 1934
• Alepocephalus antipodianus (Parrott, 1948)
• Alepocephalus asperifrons Garman, 1899
• Alepocephalus australis Barnard, 1923
• Alepocephalus bairdii Goode & Bean, 1879
• Alepocephalus bicolor Alcock, 1891
• Alepocephalus blanfordii Alcock, 1892
• Alepocephalus dentifer Sazonov & Ivanov, 1979
• Alepocephalus fundulus Garman, 1899
• Alepocephalus longiceps Lloyd, 1909
• Alepocephalus longirostris Okamura & Kawanishi, 1984
• Alepocephalus melas de Buen, 1961
• Alepocephalus owstoni Tanaka, 1908
• Alepocephalus planifrons Sazonov, 1993
• Alepocephalus productus Gill, 1883
• Alepocephalus rostratus Risso, 1820
• Alepocephalus tenebrosus Gilbert, 1892
• Alepocephalus triangularis Okamura & Kawanishi, 1984
• Alepocephalus umbriceps Jordan & Thompson, 1914

Galería

• 
  Alepocephalus agassizii
• 
  Alepocephalus australis
• 
  Alepocephalus bairdii
• 
  Alepocephalus productus
• 
  Alepocephalus tenebrosus
• 
  Alepocephalus sen determinar a especie

Véxase tamén

Bibliografía

• Burton, Maurice & Robert Burton (1984): Encyclopedia of Fish. Saint Louis, EE.UU: BPC Publishing. ISBN 0-7064-0393-2.
• Eschmeyer, W. N.; R. Fricke & R. van der Laan, eds. (2016): Catalog of Fishes: Genera, Species, References. (Ver en liña).
• Nelson, Joseph S. (2006): Fishes of the World (Cuarta ed.). Nova York: John Wiley & Sons, Inc. ISBN 0-4712-5031-7.
• Van der Land, J.; Costello, M. J.; Zavodnik, D.; Santos, R. S.; Porteiro, F. M.; Bailly, N.; Eschmeyer, W. N.; Froese, R. (2001): "Pisces", en: Costello, M. J. et al. (Eds.) European register of marine species: a check-list of the marine species in Europe and a bibliography of guides to their identification. París: Muséum national d'Histoire naturelle. Collection Patrimoines Naturels, 50. ISBN 2-85653-538-0, pp. 357–374.

Outros artigos

• Osmeriformes
• Alepocefálidos

Ligazóns externas

• Alepocephalus Risso, 1820 no WoRMS.
• Alepocephalus Risso, 1820 no ITIS.
• Alepocephalus Goode and Bean 1879 Arquivado 31 de decembro de 2016 en Wayback Machine. en Fossilworks.
• Alepocephalus Risso, 1820 Arquivado 31 de decembro de 2016 en Wayback Machine. na EOL.
• Alepocephalus Risso, 1820 no NCBI.