Albatros

Na Galipedia, a Wikipedia en galego.
Albatros
Albatros de cola curta (Phoebastria albatrus)
Albatros de cola curta (Phoebastria albatrus)
Clasificación científica
Reino: Animalia
Filo: Chordata
Clase: Aves
Subclase: Neornithes
Orde: Procellariiformes
Familia: Diomedeidae
Gray, 1840
Albatrosses distribution map.png

Xéneros e especies
Ver texto

Os albatros (Diomedeidae) son unha familia de aves mariñas de grandes dimensións que, xunto cos procelaríidos, hidrobátidos e pelecanoides forman a orde Procellariiformes.[1] Distribúense por case toda a extensión do océano Antártico e o norte do océano Pacífico. Están entre as aves voadoras de maiores dimensións. Os grandes albatros (xénero Diomedea) teñen a maior envergadura alar de calquera especie existente na actualidade. Distribúense tradicionalmente en catro xéneros, aínda que existe desacordo en canto ao número de especies.

Os albatros móvense de xeito moi eficiente no aire e empregando o planeo dinámico cobren grandes distancias con pouco esforzo. Aliméntanse de luras, peixes e krill, ben recollendo animais mortos ou capturando o seu alimento vivo na superficie da auga ou mergullandose. Son aves coloniais e a maioría aniña en illas oceánicas remotas, a miúdo compartindo o seu territorio de nidificación con outras especies. Establecen unha relación monogámica que dura toda a súa vida.

Das 22 especies recoñecidas pola Unión Internacional para a Conservación da Natureza (UICN), 8 son vulnerables, 6 corren perigo de extinción e 4 atópanse en perigo crítico de extinción.[2]

Véxase tamén[editar | editar a fonte]

Notas[editar | editar a fonte]

  1. Con todo a taxonomía de Sibley-Ahlquist sitúaos na orde Ciconiiformes. Ver a sección Taxonomía e evolución deste artigo.
  2. "Diomedeidae". 2009. http://www.iucnredlist.org/search. Consultado o 7 de abril de 2010.

Ligazóns externas[editar | editar a fonte]

Commons
Commons ten máis contidos multimedia sobre: Albatros
Wikispecies-logo.svg
Wikispecies posúe unha páxina sobre: Albatros