Alaa al-Aswani
Alaa al-Aswany é un escritor exipcio nado en 1957. A súa bibliografía é completamente en árabe, aínda que os seus libros foron traducidos a numerosas linguas.
[editar] Traxectoria
Alaa Al Aswany estudou a carreira de odontoloxía, primeiro en Exipto e máis tarde en Chicago (Estados Unidos). Finalizou a carreira na University of Illinois en Chicago, onde estableceu a súa residencia durante un tempo. En total morou 17 anos na cidade estadounidense.
Ademais de ser dentista e escritor, ten contribuído con numerosos artigos en xornais exipcios (moitos deles traducidos regularmente a xornais europeos e americanos), principalmente con temática social e política. A sociedade exipcia, a relación entre os distintos estratos sociais así como conflitos políticos, relixiosos e sexuais son a base da súa literatura.
Saltou á fama internacional trala publicación da súa segunda novela Imārat Ya‘qūbiān (عمارة يعقوبيان, en galego "O edificio Iacobian") no ano 2003 (aínda non traducido ó galego). Trátase dunha irónica descrición da sociedade exipcia moderna. En 2006 foi adaptada ó cinema e no 2007 á televisión. A súa terceira novela, Chicago (شيكاجو), publicouse en 2007. Se ben, a práctica totalidade na novela discorre na cidade norteamericana, tamén é unha descrición da sociedade exipcia a través da numerosa colonia exipcia residente no estado americano de Illinois. Nesta novela, se cabe é máis crítico coa corrupción no seu país. A súa segunda novela foi un éxito de vendas en todo o mundo árabe, ocupando durante 4 os postos de libros máis vendidos, sendo superado 4 anos despois por Chicago.
Na actualidade, despois do éxito de vendas, segue a compaxinar o seu traballo de dentista co de escritor.
