Acariocito
Un acariocito[1] ou acariota é unha célula sen núcleo, coma os virus ou os glóbulos vermellos (os eritrocitos humanos carecen de núcleo despois de desenvolverse, ao revés que os doutras especies), libre de orgánulos e metabolismo. Porén, poden posuír información xenética, en forma de ADN ou ARN, e transcriptases inversas que lle permiten infectar unha célula (no caso dun virus). Os acariocitos non forman parte dos sete rangos principais de taxóns.
Análise sobre o concepto de vida[editar | editar a fonte]
Até a década de 2010, o termo "acariota" non se aplicaba aos organismos vivos, capaces de reproducirse sen necesitar un organismo hóspede: un organismo unicelular sen núcleo dise que é un procariota, en oposición aos eucariotas, organismos unicelulares ou pluricelulares caracterizados en particular pola presenza dun núcleo.
Hai virus, coma os da inmunodeficiencia humana con estruturas externas de membrana lipídica denominada envoltura viral e outras internas chamadas cápsidas, porén ningún virus posúe núcleo.
Con todo, o debate sobre a definición de vida baséase en nocións complexas[2][3][4] e este debate está aberto de novo: ao ampliar a definición de vivir a unha entidade que diminúe o nivel de entropía e que se reproduce cometendo erros, os virus poderían considerarse vivos. Así, algúns dos acariocitos, aqueles que poden ser replicados, poderían considerarse vivos.
Notas[editar | editar a fonte]
- ↑ "Termo acariocito". bUSCcatermos.
- ↑ Les virus sont-ils des êtres vivants ? (en francés)
- ↑ Les différences entre virus et êtres vivants Arquivado 29 de setembro de 2020 en Wayback Machine., en L'internaute (en francés)
- ↑ 111864 (14-1-2022). "Podemos considerar os virus como seres vivos? (en francés)". Sciencesetavenir.fr..