Lagar (construción)

Para outras páxinas con títulos homónimos véxase: Lagar.

Lagar en Alongos, Toén.

O lagar é o lugar preparado para prensar certos froitos, como as uvas, as mazás ou as olivas, co fin de que solten o líquido que conteñen. O termo deriva do nome do recipiente ou aparello mecánico onde se prensa o froito, chamado hoxe normalmente prensa, reservando o termo lagar para a construción.

O máis común en Galiza é o edificio para esmagar o bago de viño, mais tamén se chama lagar o lugar para esmagar a mazá da sidra (llagar en Asturias) e incluso a oliva para fabricar aceite.

Dende o punto de vista construtivo, non deixa de ser un pequeno alboio, fechado ou non, de cachotaría onde se atopan unha tallas e a propia prensa, que adoitaba consistir nun recipiente sobre o que acouga unha gran trabe de carballo ou castiñeiro. Os lagares remóntanse á época romana, e son moi común en Galiza, formando parte da arquitectura vernácula. Nalgunhas partes de Galiza, onde a adega se atopa no piso terreo da vivenda (casa do viño), o lagar tamén se acha aquí.

Galería de imaxes

• 
  Lagar tradicional do século XIX, na Sertã, Portugal.
• 
  Lagar co seu respectivo torno. Traballo en cantaría que se encontra no Museu do Vinho dos Biscoitos, na Azores.
• 
  Mó e conduto dunha prensa (lagar) en Portugal.
• 
  Lagar que se encontra no Museo do viño, en Torgiano (Umbría, Italia).

Véxase tamén

Outros artigos

• Adega
• Prensa de viño
• Lagares