Xosé Veiga Roel
| Xosé Veiga Roel | |
|---|---|
| Nacemento | 9 de novembro de 1894 |
| Lugar de nacemento | Betanzos |
| Falecemento | 9 de febreiro de 1976 |
| Lugar de falecemento | Betanzos |
| Nacionalidade | España |
| Ocupación | debuxante e fotógrafo |
| [ editar datos en Wikidata ] | |
Xosé Veiga Roel, nado en Betanzos o 9 de novembro de 1894 e finado no mesmo concello o 9 de febreiro de 1976, foi un debuxante e fotógrafo galego.
Traxectoria[editar | editar a fonte]
Debuxante dende moi novo, fíxose famoso polas súas aptitudes como calígrafo e miniaturista. Membro da Irmandade da Fala de Betanzos, colaborou en Rexurdimento. Foi ilustrador de El Eco de las Mariñas e outras publicacións, revistas e programas de festas. Participou na Exposición de Arte Galego da Coruña (1923), na Exposición Rexional de Belas Artes de Santiago e en 1935 obtivo un diploma de honra na Exposición de Belas Artes de Ferrol. A principios dos anos cincuenta frecuentou o Café Español, onde se reunía a Peña Fotográfica da Coruña e descubriu a fotografía. Instalou un laboratorio na súa casa e dedicoudose a esta práctica. Fixo fotografía documental e colaborou en Vida Gallega e Galicia. Revista Anual de Turismo. En 1957 expuxo nos salóns do Club Imperio da Coruña e en 1965 na Casa de Galicia de Madrid.
Recoñecementos[editar | editar a fonte]
Foi nomeado fillo predilecto de Betanzos en 1980.[1]
Vida persoal[editar | editar a fonte]
Casou con Consuelo Sánchez Sánchez.
Notas[editar | editar a fonte]
- ↑ La Voz de Galicia, 25-6-1980, p. 32
