Xesús Blanco Conde
| Biografía | |
|---|---|
| Nacemento | 18 de setembro de 1952  (71 anos)Cimadevila, España |
| Alcalde de Laza | |
| 2019 – 2020 ← José Ramón Barreal Novo | |
| Datos persoais | |
| País de nacionalidade | España |
| Actividade | |
| Ocupación | funcionario , político |
| Partido político | Partido dos Socialistas de Galicia |
| Lingua | Lingua castelá |
Xesús Blanco Conde[1][2], nado en Cimadevila (Laza) o 18 de setembro de 1952, é un político galego do PSdeG-PSOE.
Traxectoria[editar | editar a fonte]
Converteuse en 1973 en funcionario da administración do estado[2], ao aprobar a oposición ao corpo de administrativos, e foi destinado a Oviedo, onde permaneceu unha década. Alí estudou Dereito e licenciouse pola Universidade de Oviedo. En 1983 aprobou a oposición ao corpo de xestión[2] e ao ano seguinte conseguiu o traslado á Tesourería da Seguridade Social en Ourense. En 2004 converteuse en codirector provincial do INSS na provincia de Ourense e en 2018 en director[2].
En abril de 2019 xubilouse para dedicarse por enteiro á política e nas eleccións municipais de 2019 encabezou a lista ao concello polo PSdeG-PSOE. Obtivo tres concelleiros e, malia quedar segundo, conseguiu converterse en alcalde de Laza co apoio dos dous concelleiros de Xuntos por Laza.
En xuño de 2020 destituíu os concelleiros de Xuntos por Laza, e en xullo dese ano dimitiu como alcalde pero continuou de concelleiro[3].
Ten escrito diversos artigos (na revista Auria) sobre diversos aspectos de etnografía local e unha monografía sobre o Entroido de Laza. Tamén ten publicado artigos sobe aspectos de xestión da tesourería da Seguridade Social.
| Predecesor: José Ramón Barreal |
 Alcalde de Laza 2019 - 2020 |
Sucesor: José Ramón Barreal |
Obra[editar | editar a fonte]
- Laza, o entroido enxebre (Deputación de Ourense, 2000)
Notas[editar | editar a fonte]
- ↑ "Saúdo do alcalde". www.laza.es. Arquivado dende o orixinal o 17 de xullo de 2020. Consultado o 2020-07-17.. Aquí asina como Xesus [sic] Blanco Conde
- ↑ 2,0 2,1 2,2 2,3 "CV do alcalde" (PDF). Concello de Laza.
- ↑ Palomares, Paula (2020-07-16). "El alcalde de Laza anuncia su dimisión". La Región (en castelán). Consultado o 2020-07-17.