William Godwin

William Godwin
	;
Biografía
Nacemento	3 de marzo de 1756 ; Wisbech, Reino Unido (pt)
Morte	7 de abril de 1836 (80 anos); Londres, Reino Unido
Lugar de sepultura	St Pancras Old Church, Camden (en)
Ideoloxía política	Anarquismo
Relixión	Ateísmo
Actividade
Campo de traballo	Anarquismo filosófico (pt) e filosofía política
Ocupación	escritor, filósofo, xornalista, novelista, filósofo político, escritor de ciencia ficción
Obra
	Obras destacables (1794) Things as They Are; or, The Adventures of Caleb Williams (en) ;
Familia
Cónxuxe	Mary Jane Godwin (1801–valor descoñecido); Mary Wollstonecraft (1797–)
Fillos	Mary Shelley; () Mary Wollstonecraft; Claire Clairmont; () Sir John Lethbridge, 1st BaronetMary Jane Godwin; William Godwin the Younger; () Mary Jane Godwin
Pais	John Godwin e unknown Hull
Descrito pola fonte	Grande Enciclopedia Soviética 1969-1978, (sec:Годвин Уильям); Pequeno Dicionario Enciclopédico de Brockhaus e Efron; Dicionario Enciclopédico Brockhaus e Efron

William Godwin, nado o 3 de marzo de 1756 e finado o 7 de abril de 1836, fillo dun pastor disidente, foi un escritor político e polígrafo británico, considerado como un dos máis importantes precursores das escolas anarquista e utilitarista. Foi tamén célebre polas mulleres da súa vida. Casado con Mary Wollstonecraft, escritora feminista, en 1797, tiveran unha filla, Mary Wollstonecraft Godwin, máis coñecida como Mary Shelley, que escribiu Frankenstein ou o moderno Prometeo, e foi esposa do poeta Percy Shelley.

Godwin volveuse recoñecido decontado co libro The Inquiry concerning Political Justice, and its influence on General Virtue and Happiness (1793), citado con frecuencia abreviadamente como Political Justice (Xustiza Política), obra en dous volumes, que acadou varias edicións ata mediados do XIX, en pleno fervor revolucionario. Malthus escribe o seu Ensaio sobre o principio da poboación (1798) como resposta a Godwin. O autor efectúa unha corrosiva crítica da sociedade, baseada en tres principios:

O ser humano depende totalmente da organización social, mal elaborada, que o corrompe. Ninguén é responsábel total dos seus actos, en consecuencia.
Debe respectarse a liberdade. A lei e o Estado son negativos porque se apoian na opresión e a violencia. Polo tanto o individuo non lle debe nada á sociedade. Só a razón e o sentido común poden guiar os actos persoais a prol do benestar xeral. Só en pequenas comunidades se poderá cumprir ese ideal, conducente á xustiza política.
A propiedade ha de ser destruída como fonte de desigualdade e egoísmo, que impide o desenvolvemento da xustiza política. A pobreza fai do home un escravo.

Godwin preludia os principios do anarquismo, mais só indica vías pacíficas, baseadas na razón e no saber, para a instauración da nova sociedade.

Obras (selección)

1793 : The Inquiry concerning Political Justice, and its influence on General Virtue and Happiness (Investigación sobre a xustiza política e a súa influencia na virtude e a felicidade xeral)
1794 : Things as They Are, or The Adventures of Caleb Williams (As cousas tal como son, ou As aventuras de Caleb Williams), novela
1799 : St.Leon, a Tale of the Sixteenth Century (San León, ou Un conto do século dezaseis), novela
1805 : Fleetwood, or The New Man of Feeling, novela
1817 : Mandeville, a Tale of the Times of Cromwell (Mandeville, ou Un conto dos tempos de Cromwell), novela
1820 : On population (Sobre a poboación), ensaio
1824 - 1828 : History of the Commonwealth of England from its commencement to its restoration