Valle de Cuelgamuros

Valle de Cuelgamuros
	San Lorenzo de El Escorial
	Instancia de complexo de edificios; complexo relixioso
	Composto por Basílica pontificia da Santa Cruz; Stations of the Cross of Valle de los Caídos (en) ; Cross of Valle de Cuelgamuros (en) ; Abbey of the Holy Cross (en) ; Funicular do Vale dos Caídos (pt)
Persoas e organizacións
	Propietario/a Patrimonio Nacional
	Fundador/a Francisco Franco
	Arquitecto/a Pedro Muguruza; Diego Méndez (pt)
Datas
	Fundación / creación 1940
	Inauguración 1 de abril de 1959
Altura
Dimensións
Altura
Altura	152,4 m
Localización
	Situado en San Lorenzo de El Escorial, Comunidade de Madrid, España
	40°38′29″N 4°09′25″O / 40.641422, -4.156942
Data
Recoñecemento
Data
Lugar de Memoria Democrática
Data	21 de novembro de 2022
	;
Elemento da Lista Vermella do Patrimonio
Data	25 de maio de 2010
Data de remate	5 de outubro de 2011
Identificador	valle-de-los-caidos
Fontes e ligazóns
	Código do catálogo MADR-1 Q131902846
	Páxina WEB patrimonionacional.es…
	Wikidata G:Commons C:Commons

O Valle de Cuelgamuros, anteriormente Valle de los Caídos, é un monumento funerario situado na serra de Guadarrama, no municipio de San Lorenzo de El Escorial, na Comunidade de Madrid. Foi construído por prisioneiros republicanos da guerra civil española entre os anos 1940 e 1958. Nel están enterrados uns 40.000 combatentes dos dous bandos da guerra civil (a partir da década dos 50, xa que anteriormente só eran enterrados os afíns ao réxime franquista), moitos deles trasladados dende outros puntos de España, onde tiveron lugar as batallas máis importantes da guerra. Tamén se atopan os restos mortais do falanxista José Antonio Primo de Rivera. Na basílica de Santa Cruz estivo sepultado o ditador Francisco Franco, trasladado ó cemiterio do Pardo na capital madrileña o 24 de outubro de 2019^[1].

O complexo consta dunha abadía beneditina, unha basílica de 262 metros de lonxitude escavada na roca, varias construcións monolíticas e por enriba de todo unha cruz cristiá de 150 metros de altura.

Historia

Aínda que o monumento foi concibido teoricamente para honrar os mortos tanto franquistas como republicanos, en realidade ten unha clara apoloxía franquista. O monumento ten a inscrición Caídos por Dios y por España (Caídos por Deus e por España) e abondosa simboloxía do réxime. A súa construción foi anunciada por Francisco Franco o día 1 de abril de 1939, o mesmo no que acabou a guerra.

A orixe dos enterrados no Valle de los Caídos é incerta. Aínda que existen arquivos con aproximadamente a metade dos defuntos, descoñécese a identidade dos outros. Foron recollidos de moitos campos de batalla como os de Brunete, Grado, Gandesa, Teruel e a Batalla do Ebro, entre moitos outros.

Para a súa construción utilizáronse presos políticos, aos que prometeron unha redención de pena a cambio de traballo e un pequeno salario. Non obstante, moitos deles morreron na súa construción debido á falta de medios técnicos e á pouca seguridade.

Durante moitos anos foi lugar de reunión cada 20 de novembro de varios grupos de falanxistas e nostálxicos da ditadura.

O 12 de maio de 2017 o pleno do Congreso dos Deputados aprobou a proposta de exhumar os restos de Franco e trasladar os de José Antonio Primo de Rivera a un lugar menos destacado como desenvolvemento da Lei de memoria histórica.^[2]

Notas

↑ "La exhumación de Franco, en directo | Los restos del dictador salen del Valle de los Caídos hacia Mingorrubio". El País (en castelán). 2019-10-24. ISSN 1134-6582. Consultado o 2019-10-24.
↑ "El Congreso pide exhumar los restos de Franco en el Valle de los Caídos" (12/5/2017). La Voz de Galicia (en castelán).

Véxase tamén

Outros artigos

Ligazóns externas

Abadía da Santa Cruz del Valle de los Caídos.
Patrimonio Nacional — Valle de Cuelgamuros (en castelán) (en inglés).

[1] "La exhumación de Franco, en directo | Los restos del dictador salen del Valle de los Caídos hacia Mingorrubio". El País (en castelán). 2019-10-24. ISSN 1134-6582. Consultado o 2019-10-24.

[2] "El Congreso pide exhumar los restos de Franco en el Valle de los Caídos" (12/5/2017). La Voz de Galicia (en castelán).

[1]

[2]