Víctor Arteaga

Na Galipedia, a Wikipedia en galego.
Saltar ata a navegación Saltar á procura
Víctor Arteaga
Río Breogán  – No. 77
Información persoal
Nacemento 7 de xullo de 1992 (30 anos)
España Cuenca, España
Altura 2,13 m (7 ft 0 in)
Peso oficial 109 kg (203 lb)
Posición Pivote
Liga ACB / Champions League
Información da carreira
Canteira Real Madrid
Internacional 11 veces
Carreira 2010−presente
Historial de equipos
Real Madrid B (2010–2012)
Blancos de Rueda Valladolid (2012)
CEBA Guadalajara (LEB Prata, 2012−2013)
UCAM Murcia (2014−2016)
Força Lleida (LEB Ouro, 2013–2014)
Movistar Estudiantes (2016−2021)
MoraBanc Andorra (2021−2022)
Río Breogán (2022−presente)

Víctor Arteaga González, nado o 26 de maio de 1992 en Cuenca, é un xogador español de baloncesto profesional internacional. Formado nas categorías inferiores do Real Madrid, actualmente xoga para o Río Breogán da Liga ACB.[1] Cunha altura de 2,13 m, xoga na posición de pivote.[2]

Traxectoria[editar | editar a fonte]

Nado en Cuenca, Arteaga formouse nas categorías inferiores do Real Madrid. No ano 2010 comezou a xogar co filial do equipo madrileño en Liga EBA, chegando a debutar co primeiro equipo nun xogo de Euroliga ante o Spirou Charleroi. Neste encontro disputou os tres últimos minutos, anotando unha canastra para a vitoria do seu equipo por 94−45. En febreiro de 2012 vaise cedido ao Blancos de Rueda Valladolid da Liga ACB, onde disputa os seus primeiros partidos na máxima categoría. Após finalizar a temporada, deixa o Real Madrid e asina polo CEBA Guadalajara, club de nova creación na LEB Prata.

O seu bo rendemento chamou a atención do UCAM Murcia da ACB, que o asinou e o cedeu ao Força Lleida de LEB Ouro. Na segunda categoría chega ser MVP da xornada en dúas ocasións, o que fai que o equipo murciano o incorpore ao seu elenco ACB en febreiro. Alí xoga as dúas seguintes temporadas, asinando posteriormente en 2016 polo Movistar Estudiantes. No equipo madrileño permanece até 2021. Mentres formaba parte do Estudiantes, Arteaga é convocado coa selección española, onde xoga nas fases de clasificación para o Eurobasket e o Mundial. Após o descenso do Estudiantes á Liga LEB, Artega fai a pretemporada co Club Baloncesto Breogán, onde consegue gañar a Copa Galiza. Con todo, non acaba por formar parte do elenco final do club e asina co MoraBanc Andorra, onde xoga en ACB e na Eurocup. Após o descenso do club andorrano, Arteaga regresa ao Breogán, esta vez para disputar a temporada completa.[1]

Clubs[editar | editar a fonte]

Ao longo da súa carreira, Arteaga ten xogado para os seguintes equipos profesionais:[2]

Notas[editar | editar a fonte]

  1. 1,0 1,1 "Víctor Arteaga incorpórase ao Río Breogán". CB Breogán. 28 de xullo de 2022. Consultado o 28 de xullo de 2022. 
  2. 2,0 2,1 "Víctor Arteaga, Basketball Player". Proballers (en inglés). Consultado o 27 de xullo de 2022. 

Véxase tamén[editar | editar a fonte]

Ligazóns externas[editar | editar a fonte]