Trichomonadida

Trichomonadida
Trichomonadida Harold Kirby 1947
Instancia de taxon
Taxonomía
Subdivisións Calonymphidae Cochlosomatidae Devescovinidae Monocercomonadidae Trichomonadidae
Clasificación taxonómica
Reino Protozoa  Subreino Eozoa  Filo Metamonada  Clase Trichomonadea  Orde Trichomonadida H.Kirby, 1947 Trichomonadida
Códigos e identificadores Freebase /m/0btwj2 MeSH D016834 ITIS 43837
Wikidata C:Commons

Trichomonadida é unha orde de protistas anaerobios, incluído dentro dos parabasálidos. Os membros desta orde denomínanse tricomónadas.

Algúns organismos desta orde son:

• Trichomonas vaginalis, un organismo que vive dentro da vaxina das mulleres.
• Dientamoeba fragilis, ameboide parasito humano.
• Histomonas meleagridis, parasito que causa a enfermidade histomoníase en aves de curral.
• Mixotricha paradoxa, un organismo simbiótico que vive dentro das térmites, hóspede de endosimbiontes.

Anatomía

As especies desta orde teñen tipicamente de catro a seis flaxelos no polo apical da célula, un dos cales é recorrente, é dicir, discorre formando unha ondulación superficial, dándolle o aspecto dunha membrana ondulante. Igual que outros parabasálidos, teñen un axostilo, unha pelta, unha costa e uns corpos parabasais. En Histomonas só hai un flaxelo e un axostilo reducido e en Dientamoeba, ambos están ausentes.

Comportamento

A maioría das especies son parasitos ou endosimbiontes en animais.

As tricomónadas reprodúcense por medio dun tipo especial de fisión lonxitudinal, orixinando un gran número de trofozoítos nun relativamente curto período de tempo. Nunca forman quistes, polo que a transmisión dun hóspede a outro é sempre por contacto directo cos sitios que ocupan.

Tratamento

O tratamento preferido para a infección por tricomónadas é o Metronidazol.

Véxase tamén

Ligazóns externas

• Información xeral