Transformador

Na Galipedia, a Wikipedia en galego.
Este é un dos 1000 artigos que toda Wikipedia debería ter.
Transformador
Transformador.

Denomínase transformador a un dispositivo electromagnético que permite aumentar ou diminuír a voltaxe e a intensidade dunha corrente alterna.

Os transformadores son dispositivos baseados no fenómeno da indución electromagnética e están constituídos, na súa forma máis simple, por dúas bobinas enroladas sobre un núcleo cerrado de ferro doce. Estas bobinas ou enrolamentos denomínanse primario e secundario.

Funcionamento[editar | editar a fonte]

Se se aplica unha forza electromotriz alterna no enrolamento primario, as variacións de intensidade e sentido da corrente alternada crearán un campo magnético variábel dependendo da frecuencia da corrente. Este campo magnético variábel orixinará, por indución, a aparición dunha forza electromotriz nos extremos do enrolamento secundario.

A relación entre a forza electromotriz indutora (Ep, a aplicada ao enrolamento primario) e a forza electromotriz inducida (Es, a obtida no secundario) é directamente proporcional ao número de espiras (voltas) dos enrolamentos primario (Np) e secundario (Ns) .

\frac{Ep}{Es}=\frac{Np}{Ns}

Así, se o número de espiras do secundario é 100 veces maior que o do primario se aplicamos unha tensión alterna de 100 voltios no primario obteremos 10.000 voltios no secundario. Á relación entre o número de voltas ou espiras do primario e as do secundario chámaselle relación de voltas do transformador ou relación de transformación.

Esquema de un transformador mostrando o fluxo magnético no núcleo.

Agora ben, como a potencia aplicada no primario, no caso dun transformador ideal, debe ser igual á obtida no secundario, o produto da forza electromotriz pola intensidade (potencia) debe ser constante. No caso do exemplo, se a intensidade circulante polo primario é de 10 amperios, a do secundario será de só 0,1 amperios.

Esta particularidade ten a súa utilidade para o transporte de enerxía eléctrica a larga distancia, ao permitir efectuar un transporte a altas tensións e pequenas intensidades e, por tanto, pequenas perdas.

Outra aplicación frecuente en circuítos de radio é a de transformador de impedancias. Se se coloca no secundario unha impedancia de valor Z, e chamamos m a Ns/Np, como:

Is=\frac{Ip}{m}

e

Es=Ep \times m

a impedancia vista desde o primario será:

\frac{Ep}{Ip}=\frac{Es}{m^2Is}=\frac{Z}{m^2}

Así, conséguese transformar unha impedancia de valor Z noutra de Z/m². Colocando o transformador ao revés, o que facemos é elevar a impedancia nun factor .

Circuíto equivalente[editar | editar a fonte]

Circuíto equivalente do transformador Ideal

Se se considerar o transformador como ideal (sen perdas), cúmprese a relación:


\frac{V_{S}}{V_{P}} = \frac{N_{S}}{N_{P}}

realmente sempre existen perdas e quedas de tensión, especialmente:

Para modelizar mellor o transformador realízanse dous ensaios que nos dan os parámetros necesarios para obter un circuíto equivalente mais aproximado:


Máquinas eléctricas
Máquinas de corrente continua Máquinas síncronas Máquinas asíncronas Transformadores
Dinamo Motor de indución
Commons
Commons ten máis contidos multimedia sobre: Transformador