Tom Davis

Na Galipedia, a Wikipedia en galego.
Saltar ata a navegación Saltar á busca
Tom Davis
Nacemento 11 de xuño de 1917
  Illa de Rarotonga
Falecemento 23 de xullo de 2007
  Illa de Rarotonga
Nacionalidade Cook Islands Māori people
Relixión Fe Bahá'í
Educado en Universidade Harvard, Universidade de Otago e Harvard T.H. Chan School of Public Health
Ocupación diplomático
Coñecido/a por Te Atua mou e
Premios Knight Commander of the Order of the British Empire
editar datos en Wikidata ]

Sir Thomas "Tom" Robert Alexander Harries Davis, nado o 11 de xuño de 1917 en Rarotonga e finado o 23 de xullo de 2007 [1], foi un médico e político das Illas Cook que foi primeiro ministro das Illas Cook.

Traxectoria[editar | editar a fonte]

Davis estudou secundaria en Auckland e fixo medicina na Universidade de Otago, rematando en 1945, foi o primeiro habitante das Illas Cook en graduarse en medicina en Nova Zelandia[2]. Despois serviu como oficial médico nas Illas Cook, mellorando o sistema de saúde. En 1952 foi aos Estados Unidos para realizar un máster de saúde pública na Universidade Harvard, logo traballou para as forzas armadas e para a NASA.

Política[editar | editar a fonte]

En 1970 volveu ás Cook, fundou o Partido Demócrata en 1971, parlamentario desde 1972, convértese no líder da oposición. O 25 de xullo de 1978 converteuse no novo primeiro ministro, posto que mantería ata o 13 de abril de 1983 para dar paso a un goberno de Geoffrey Henry, que durou poucos meses, e o 16 de novembro dese ano asumiu de novo o posto que retivo ata o 29 de xullo de 1987. Casado desde 1979 coa xefe da dinastía Pa Ariki, Pa Tepaeru Terito Ariki, el recibiu o título de Pa Tuterangi Ariki e desde 1981 era cabaleiro do Imperio Británico. Interesado na recuperación da navegación dos pobos polinésicos deseñou dúas canoas (vaka), a Takitumu (1991) e a Te Au O Tonga (1994) coas que utilizando técnicas de navegación tradicionais navegou xunto cunha tripulación adestrada polo Pacífico. En 1992 publicou a súa autobiografía, titulada Island boy: An autobiography. En 2004 foi nomeado alto comisionado en Nova Zelandia.

Notas[editar | editar a fonte]

  1. "Sir Tom Davis dies aged 90". July 24, 2007. Consultado o 11/12/2010. 
  2. Papa Tom Ovituary, TVNZ