Thomas Myhre

Thomas Myhre

(2009)
Biografía
Nacemento	(no) Thomas Harald Myhre 16 de outubro de 1973 (52 anos) Sarpsborg, Noruega
Altura	192 cm
Actividade
Ocupación	futbolista, adestrador de fútbol
Período de actividade	1993 - 2011
Nacionalidade deportiva	Noruega
Deporte	fútbol
Liga	Premier League
Posición de xogo	Gardameta
Traxectoria   Equipo 1992–1992 Moss FK 1993–1997 Viking Fotballklubb 94 (0) 1997–2001 Everton F.C. 70 (0) 1999–1999 → cesión:  Rangers F.C. 3 (0) 2000–2000 → cesión:  Birmingham City 7 (0) 2000–2000 → cesión:  Tranmere Rovers Football Club 3 (0) 2001–2001 → cesión:  F.C. København 14 (0) 2001–2002 Beşiktaş JK 13 (0) 2002–2005 Sunderland Association Football Club 37 (0) 2003–2004 → cesión:  Crystal Palace F.C. 15 (0) 2005–2005 Fredrikstad FK 3 (0) 2005–2007 Charlton Athletic Football Club 21 (0) 2007–2010 Viking Fotballklubb 46 (0) 2010–2011 Kongsvinger IL 20 (0)   Selección nacional 1998–2007   Noruega 56 (0)
Participou en
2000	Eurocopa de 2000
1998	Mundial de Fútbol Francia 1998
Premios
(1994)  Kniksen Award for goalkeeper of the year (en)

Thomas Myhre, nado o 16 de outubro de 1973 en Sarpsborg, é un ex-futbolista noruegués, porteiro da selección nacional ata 2007.

Traxectoria

Comezou a súa carreira no Moss, firmando co primeiro equipo en 1991 e tivo a oportunidade de entrar tamén en 1991 na selección norueguesa sub-21. En 1993 fichou polo Viking. Unha grave lesión no xeonllo fixo que perdese toda a tempada 1996, volveu co seu club a tempada seguinte e en 1997 entrou na Premier League da man do Everton. Myhre fixo un gran traballo como porteiro do Everton, e o seleccionador nacional convocouno por primeira volta no equipo absoluto nun amigable contra Dinamarca en abril de 1998. Foi tamén porteiro reserva no Mundial de Fútbol Francia 1998. Xogou toda a liga co Everton na tempada 1998/99 pero por mor dunha lesión ao principio da seguinte tempada perdeu a titularidade e xogou cedido no Birmingham, Tranmere, así como no equipo escocés dos Rangers e no F.C. København, co que logrou o título de liga en 2000/01. Tamén foi o porteiro de Noruega na Eurocopa 2000.

No verán de 2001 mercouno o Beşiktaş, pero logo dunha soa tempada en Turquía volveu a Inglaterra fichado polo Sunderland, nas dúas primeiras tempadas xogou como reserva pero tras unha lesión do titular Mart Poom, ao empezar a tempada 2004-05, quedou como porteiro titular, e a tempada rematou co ascenso á Premier League. Malia iso o club non renovou o seu contrato en 2005 e Myhre volveu ao seu país onde xogou co Fredrikstad, antes de volver, unha vez máis, a Inglaterra en 2013, esta volta co Charlton. Firmou en agosto de 2005 e parmaneceu ata 2010 ao mercalo o Viking. Pero en febreiro de 2010 tras discordar co club marchou.

Foi un integrante estable da selección nacional, con máis de 50 participacións. Pero logo de dous erros contra Bosnia e Hercegovina e Turquía que foron trascendentais para Noruega non se clasificar na Eurocopa, o seleccionador decidiu substituílo por Håkon Opdal.