The Corrs
| The Corrs | |
|---|---|
 | |
| Orixe | Dundalk, Condado de Louth, Irlanda  |
| Período | 1990 - 2005; 2015 - actualidade |
| Xénero(s) | Folk rock, rock, pop, rock celta |
| Selo(s) discográfico(s) | 143 Records (até o 2002), Lava Records (até o 2002) e Atlantic Records |
| Membros | Andrea Corr Caroline Corr Sharon Corr Jim Corr |
| Na rede | |
| http://www.thecorrswebsite.com/ | |
               | |
The Corrs é un grupo irlandés formado por catro irmáns de Dundalk, que combina o folk rock, o pop rock e tamén a canción tradicional irlandesa nas súas composicións. Estiveron temporalmente nunha pausa, mentres Andrea e Sharon levaban a cabo carreiras en solitario (2005-2015). A finais de 2015 publicaron o seu álbum de retorno: White Light; en 2017 publican Jupiter Calling. Actuaron dúas veces en Galicia.
Traxectoria[editar | editar a fonte]
Ó longo da súa traxectoria levan gravados seis álbums de estudio e numerosos éxitos como Runaway, Only When I Sleep, What Can I Do?, I Never Loved You Anyway, Dreams, Radio, Breathless, ou Summer Sunshine, cos que levan vendido uns 50 millóns de discos en todo o mundo. Tamén posúen o título de membros da Orde do Imperio Británico polas súas contribucións no eido da música e pola súa implicación en actividades filantrópicas.
Teñen actuado en numerosos concertos benéficos, como o Prince's Trust en 2004 e Live 8 xunto con Bono en 2005. The Corrs cesou a súa actividade no 2005 debido a que Jim e Caroline preferiron adicarse ás súas respectivas familias, mentres que Andrea e Sharon levan cadansúa carreira en solitario. En xuño de 2015, Andrea anunciou que The Corrs actuaría en directo en Hyde Park o 13 de setembro de 2015 e que estaban en proceso de gravación dun novo álbum.[1][2] O 17 de setembro de 2015, a banda confirmou o seu sexto álbum de estudio, White Light, que sería lanzado en novembro de 2015 e seguido dunha xira en 2016. En novembro de 2017 publican o seu novo álbum: Jupiter Calling, o primeiro sinxelo sae en setembro de 2017: Son of Salomon.
En Galicia[editar | editar a fonte]
The Corrs estivo en Galicia de xeito profesional en dúas ocasións. A primeira en xullo de 1999, co gallo da celebración dos Concertos da Fin do Milenio do Xacobeo 99. Actuaron na coruñesa praia de Santa Cristina en Oleiros xunto a Mike Oldfield e Luar na Lubre, durante a súa xira mundial coñecida como Talk on Corners World Tour, nun concerto de 60 mil espectadores[3]. Repetiron durante as celebracións do Xacobeo 2004, desta vez cun concerto o 17 de xullo de 2004 no Monte do Gozo, en Santiago de Compostela, durante a xira Borrowed Heaven tour.
Integrantes[editar | editar a fonte]
Membros principais[editar | editar a fonte]
- Andrea Corr: Voz e tin whistle.
- Jim Corr: Piano, teclado, guitarra e coros.
- Sharon Corr: Violín e coros.
- Caroline Corr: Batería, bodhrán, piano e coros.
Membros ocasionais[editar | editar a fonte]
(Só como acompañamento. Non saíron nas promocións nin contribuíron nas composicións).
- Anthony Drennan: Guitarra
- Keith Duffy - Baixo e percusión
- Jason Duffy - Batería (substituíndo a Caroline durante o seu embarazo).
Discografía[editar | editar a fonte]
Álbums de estudio[editar | editar a fonte]
| Ano | Título |
|---|---|
| 1995 | Forgiven, Not Forgotten |
| 1997 | Talk on Corners |
| 2000 | In Blue |
| 2004 | Borrowed Heaven |
| 2005 | Home |
| 2015 | White Light |
| 2017 | Jupiter Calling |
Álbums recompilatorios[editar | editar a fonte]
| Ano | Título |
|---|---|
| 2001 | Best of The Corrs |
| 2006 | Dreams: The Ultimate Corrs Collection |
| 2007 | The Works |
| 2011 | Original Album Series |
Álbums ao vivo[editar | editar a fonte]
| Ano | Título |
|---|---|
| 1997 | The Corrs – Live |
| 1999 | The Corrs Unplugged |
| 2002 | VH1 Presents: The Corrs, Live in Dublin |
Xiras e videografía[editar | editar a fonte]
Xiras[editar | editar a fonte]
- Forgiven, Not Forgotten World Tour (1995–1997)
- Talk on Corners World Tour (1997–2000)
- In Blue Tour (2000–2001)
- Borrowed Heaven Tour (2004)
- The Corrs: In Concert
- White Light Tour (2016)
Videografía[editar | editar a fonte]
- The Corrs: Live at the Royal Albert Hall
- The Corrs: Live at Lansdowne Road
- The Corrs Unplugged
- The Corrs Live In London
- All The Way Home/Live in Geneva
Listas de vendas[editar | editar a fonte]
| Ano | Título | Posición na lista de vendas | Premios | ||||||||
|---|---|---|---|---|---|---|---|---|---|---|---|
| España | Irlanda | Reino Unido | Francia | Suíza | Alemaña | EUA | Australia | Nova Zelandia | |||
| 1995 | Forgiven, Not Forgotten
|
4 | 1 | 1 | 49 | 37 | 86 | 131 | – | – | Reino Unido: Disco de platino
Australia: 9 discos de platino |
| 1997 | Talk on Corners
|
3 | 1 | 1 | 5 | 15 | 9 | 72 | – | 1 | Reino Unido: 9 discos de platino
Australia: 4 discos de platino |
| 2000 | In Blue
|
1 | 1 | 1 | 2 | 1 | 1 | 21 | 8 | 2 | Reino Unido: 2 discos de platino
Australia: 4 discos de platino EUA: Disco de platino |
| 2004 | Borrowed Heaven
|
2 | 1 | 2 | 5 | 3 | 2 | 51 | 4 | 8 | Reino Unido:Disco de prata |
| 2005 | The Corrs Home
|
8 | 1 | 14 | 5 | 7 | 12 | – | 44 | 37 | Reino Unido: Disco de prata |
Notas[editar | editar a fonte]
- ↑ "The Corrs are getting back together". The Journal. 9 June 2015. Consultado o 10 June 2015.
- ↑ "The Corrs get back together after 9-year hiatus". inquirerdotnet. 17 June 2015. Consultado o 19 June 2015.
- ↑ http://elpais.com/diario/1999/08/02/cultura/933544804_850215.html
Véxase tamén[editar | editar a fonte]
 |
Wikimedia Commons ten máis contidos multimedia na categoría: The Corrs  |
