O bígamo
| O bígamo | |
|---|---|
| Ficha técnica | |
| Título orixinal | The Bigamist |
| Director | Ida Lupino |
| Produtor | Robert Eggenweiler Collier Young |
| Guión | Collier Young |
| Intérpretes | Joan Fontaine Edmond O'Brien Ida Lupino Edmund Gwenn |
| Música | Leith Stevens |
| Fotografía | George E. Diskant |
| Montaxe | Stanford Tischler |
| Estudio | The Filmakers |
| Distribuidora | Filmakers Releasing Organization |
| Estrea |  3 de decembro de 1953 9 de outubro de 2020 (CGAI) |
| Duración | 80 minutos |
| Orixe |  Estados Unidos |
| Xénero | Drama |
| Na rede | |
        | |
O bígamo[1] (en inglés: The Bigamist) é un filme estadounidense de 1953 dirixido por Ida Lupino e protagonizado por Joan Fontaine, Ida Lupino, Edmund Gwenn e Edmond O'Brien. O produtor Collier Young estaba casado con Fontaine naquel momento, e anteriormente estivérao con Lupino. O bígamo é considerada como a primeira longametraxe na que a estrela feminina dun filme se dirixiu a si mesma.[2]
Estreouse subtitulado en galego o 9 de outubro de 2020, no Centro Galego de Artes da Imaxe (A Coruña).[3]
Sinopse[editar | editar a fonte]
Harry e Eve Graham queren adoptar un neno, xa que Eve é infértil. O axente de adopción Mr. Jordan advirte á parella de que necesitaría investigalos a fondo. Harry mira con curiosidade a Jordan, algo que preocupa a Jordan.
Harry e Eve viven en San Francisco e son copropietarios dun negocio, polo que Harry viaxa aos Ánxeles por traballo. Jordan chega á oficina dos Ánxeles de Harry buscando información sobre Harry. A recepcionista chama a todos os hoteis, mais ningún deles ten un Harry Graham rexistrado. Algúns dos directores lembran a Harry, mais levaba meses sen rexistrarse nos seus hoteis. Jordan está moi desconcertado e finalmente atopa un abridor de cartas na mesa de Harry co nome de "Harrison" Graham. Cando visita o enderezo correspondente, atopa a Harry, cunha muller e un bebé. Cando Jordan está a piques de chamar a policía, Harry explícalle como chegou á situación.
Personaxes[editar | editar a fonte]
- Joan Fontaine como Eve Graham
- Ida Lupino como Phyllis Martin
- Edmund Gwenn como Mr. Jordan
- Edmond O'Brien como Harry Graham / Harrison Graham
- Kenneth Tobey como Tom Morgan, avogado da defensa
- Jane Darwell como Mrs. Connelley
- Peggy Maley como operadora de teléfono
Recepción[editar | editar a fonte]
O filme tivo dificultades cando RKO Pictures se apartou, deixando os cineastas distribuíla.[4] No momento da estrea recibiu críticas entusiastas.[5] A trama asume descaradamente aspectos da propia vida privada de Lupino (compartindo o mesmo marido guionista con Fontaine; un embarazo extramatrimonial) e mostra as casas de Hollywood dalgúns dos seus amigos nunha xira no autobús das estrelas. A Encyclopedia of Film Noir considera O bígamo "infrecuentemente ambigua" para a súa época.[6]
Notas[editar | editar a fonte]
- ↑ @cineclubepf (ed.). "O bígamo por Cineclube PF". Consultado o 27 de xuño de 2021.
- ↑ Spicer, Andrew (19 de marzo de 2010). Historical Dictionary of Film Noir. Scarecrow Press. p. 185. ISBN 978-0-8108-7378-0.
- ↑ cgai.xunta.gal (ed.). "O bígamo no Centro Galego de Artes da Imaxe". Consultado o 23 de xuño de 2021.
- ↑ Dixon, Wheeler Winston (2009). "Lupino, Ida". Senses of Cinema. Consultado o 2019-08-17.
- ↑ H.H.T. (Henry Howard Thompson Jr.) (1953-12-26). "At the Astor". New York Times. Consultado o 2019-08-17.
- ↑ Mayer, Geoff; McDonnell, Brian (1 de xaneiro de 2007). Encyclopedia of Film Noir. ABC-CLIO. p. 269. ISBN 978-0-313-33306-4.
