Styca
| Styca de Aethelred II (854-862) | |
|---|---|
 | |
| AEDILRED RX arredor dunha cruz central. Grafila granulada. | +ALGHERE arredor de cruz central. Grafila granulada. |
| Styca. Reino de Northumbria. Aethelred II. AE. | |
A styca é unha pequena moeda cuñada desde a fin do século VIII ata mediados do século IX no reino de Northumbria, nas illas Británicas.
Historia
[editar | editar a fonte]A cuñaxe das stycas comezou baixo o reinado de Aethelred I (790-796), en substución das sceatta, que deixaron de producirse neste período.[1] A emisión das styca deuse unicamente en Northumbria,[2] xa que o resto dos reinos anglosaxóns non emitían máis ca peniques de prata baseados nos diñeiros dos francos.[3][4]
_obverse.jpg)
As stycas comezaron a producirse cunha base de prata, mais na metade da década de 830 comezaron a cuñarse en billón, cunha porcentaxe de prata cada vez inferior, ata que cara a 837 a prata deixou de estar presente na aliaxe destas moedas, situación que se mantivo ata que deixaron de cuñarse, arredor de 855. A grande cantidade de exemplares atopados de cobre suxire que a produción foi intensa e ininterrompida durante este período, e quizais explique tamén por que terminou durante o reinado de Osberht, xa que baixo este reinado moitas das pezas eran falsificacións. As stycas permaneceron en circulación ata a conquista viquinga de Northumbria en 867.[5][6]
A orixe do nome styca atribúese unha palabra saxoa (stycce) que significaba "parte pequena" ou "anaco".[2][6][7]
Tipoloxía
[editar | editar a fonte]_obverse.jpg)
Agás algunhas excepcións, as stycas comparten un estilo común moi ben definido. Nunha das súas faces amósase o nome do rei ou do arcebispo, arredor dun motivo central, e na outra face aparece o nome do moedeiro ou cuñador. Os motivos centrais adoitan ser sinxelos, como unha cruz ou un círculo, por exemplo.[2][6][8][9]
Ocasionalmente, algunhas cecas utilizaron motivos máis complexeos: as moedas cuñadas a nome de Aethelred II distínguense pola complexidade das súas cruces. Nunha das súas moedas amósase mesmo a figura dun can e unha triquetra.[8]
Notas
[editar | editar a fonte]- ↑ Cook, B. J.; Williams, G., Archibald, M. (2006). Páxina 213.
- ↑ 2,0 2,1 2,2 "Styca." En Frey, A. R. (1916). Páxinas 230-231.
- ↑ "Davies, G. (2010)". Páxina 125.
- ↑ Skingley, Philip, ed. (2014). Páxina 101.
- ↑ Cook, B. J.; Williams, G., Archibald, M. (2006). Páxina 214.
- ↑ 6,0 6,1 6,2 "Styca". En Münzen Lexikon (Reppa.de)
- ↑ "Stycas Arquivado 20 de setembro de 2020 en Wayback Machine.". En Martinori, E. (1915). Páxina 498.
- ↑ 8,0 8,1 Skingley, Philip, ed. (2014). Páxinas 103-105.
- ↑ Pirie, E. J. E. (1996). Coins of the Kingdom of Northumbria c.700-867 in the Yorkshire collections. Galata, Llanfyllin, Powys. ISBN 0-9516671-4-9
Véxase tamén
[editar | editar a fonte]Bibliografía
[editar | editar a fonte]- Cook, B. J.; Williams, G.; Archibald, M. (2006). Coinage And History in the North Sea World, C. AD 500-1250 : Essays in Honour of Marion Archibald. Brill, Leiden. ISBN 90-04-14777-2
- Davies, G. (2010). History of Money. University of Wales Press. ISBN 978-0-7083-2379-3
- Frey, A. R. (1916). A dictionary of numismatic names; their official and popular designations. American Journal of Numismatics. Vol 50.
- Martinori, E. (1915). La moneta. Vocabolario generale Arquivado 20 de setembro de 2020 en Wayback Machine.. Roma. Istituto italiano di numismatica.
- Pirie, E. (2000). Thrymsas, Sceattas and Stycas of Northumbria: an Inventory of Finds recorded to 1997. Galata Print, Llanfyllin. ISBN 9780951667163
- Skingley, P. ed. (2014). Coins of England & the United Kingdom. Standard Catalogue of British Coins 2015. ISBN 978-1-907427-43-5