Stephen Colbert

Na Galipedia, a Wikipedia en galego.
Saltar ata a navegación Saltar á procura
Stephen Colbert
Stephen Colbert MFF 2016.jpg
Colbert en 2016
Nome completoStephen Tyrone Colbert
Nacemento13 de maio de 1964 (58 anos)
LugarWashington, D.C., Estados Unidos de América Estados Unidos
NacionalidadeEstados Unidos de América
RelixiónIgrexa católica
Educado enUniversidade Northwestern e Porter-Gaud School
PaiJames William Colbert Jr.
Cónxuxe(s)Evelyn McGee-Colbert (1993 - presente)
Fillos3
ProfesiónActor, presentador, humorista
Na rede
IMDB: nm0170306 Allocine: 96603 Rottentomatoes: celebrity/stephen_colbert Allmovie: p304938 TCM: 543241 Metacritic: person/stephen-colbert TV.com: people/stephen-colbert
Twitter: StephenAtHome Instagram: stephenathome Spotify: 5oPGKOVPSvNUx3R3Wfbv2y Musicbrainz: 5b7c47b7-fcad-450f-bf63-48e2c43fc4e2 Songkick: 2313795 Discogs: 350947 Allmusic: mn0002129504 WikiTree: Colbert-252 Editar o valor em Wikidata
Stephen Colbert Signature.svg
editar datos en Wikidata ]

Stephen Tyrone Colbert, nado en Washington, D.C. o 13 de maio de 1964, é un actor, guionista, humorista e presentador de televisión estadounidense, famoso polo seu programa The Colbert Report que emitía Comedy Central, un telexornal satírico no que interpreta unha versión caricaturizada dun comentarista conservador estadounidense. E tamén por ser o sucesor de David Letterman no agora chamado Late Show With Stephen Colbert que emite CBS.

Traxectoria[editar | editar a fonte]

Criado en Carolina do Sur nunha familia de orixe católico irlandesa, Colbert orixinalmente recibiu cursos de arte dramática para ser actor, pero interesouse no teatro da improvisación cando coñeceu a Del Close mentres estudaba na universidade, e comezou a actuar profesionalmente primeiro como suplente de Steve Carell no Second City de Chicago; nesta época entre os seus compañeiros figuraron Paul Dinello e Amy Sedaris, cos que máis tarde desenvolveu a serie de sketch cómicos Exit 57 (1995-1996).

Stephen Colbert en 2010

Colbert tamén escribiu e actuou no Dana Carvey Show antes de colaborar de novo con Sedaris and Dinello again na serie Strangers with Candy (1999-2000), onde gañou recoñecemento polo seu personaxe, un profesor de historia homosexual pero foi o seu traballo como correspondente na parodia de telexornal The Daily Show, o que o fixo coñecido a unha maior audiencia.

No ano 2005 deixou The Daily Show with Jon Stewart para crear a súa propia serie, The Colbert Report, seguindo o mesmo concepto é unha parodia dos telexornais de noticias desenvolvidos arredor dun comentarista político como é o caso de The O'Reilly Factor, o seu personaxe caracterízase pola súa inxenuidade e ignorancia, pola súa fe nas políticas do entón presidente Bush e idolatría ao xornalista conservador Bill O'Reilly. Desde o comezo, foi unha das series máis vistas de Comedy Central. Segundo a revista Time está entre as cen persoas con máis influencia en 2006[1], e o seu libro I Am America (And So Can You!), foi número un da lista de vendas do New York Times.

Notas[editar | editar a fonte]

  1. "The Time 100: The People Who Shape Our World". Time. April 30, 2006. Arquivado dende o orixinal o 02 de maio de 2006. Consultado o 2006-07-07.