Simone Ortega

Na Galipedia, a Wikipedia en galego.
Saltar ata a navegación Saltar á procura
Simone Ortega
Nacemento29 de maio de 1919
 Barcelona
Falecemento2 de xullo de 2008
 Madrid
NacionalidadeEspaña
Ocupaciónautora, escritora e cociñeira
CónxuxeJosé Ortega Spottorno
editar datos en Wikidata ]

Simone Klein Ansaldy, nada en Barcelona o 29 de maio de 1919 e finada en Madrid o 2 de xullo de 2008, foi unha escritora culinaria española de best sellers, coñecida como Simone Ortega.

Traxectoria[editar | editar a fonte]

Naceu en Barcelona, nunha familia orixinaria de Alsacia e publicou o seu primeiro e máis vendido libro, 1080 recetas de cocina en 1972. Estivo casada co editor José Ortega Spottorno, fillo do filósofo José Ortega y Gasset e fundador do xornal El País, ata a morte del en 2002.[1]

O seu best seller 1080 recetas de cocina vendeu máis de 3,5 millóns de exemplares en España dende que se publicou por primeira vez,[2] e en 2007 levaba 48 edicións.[3] En 1987 recibiu o Premio Especial de Gastronomía de España, ao que seguiu o Premio Especial de Comida de España en 2006.[2] Ao outorgar o último premio, o xurado falou de "unha vida enteira dedicada a aconsellar e ensinar aos consumidores sobre cociñar ben e a boa cociña, con especial énfase na calidade dos produtos nacionais".[2] No 2006 tamén recibiu do goberno francés a Orde das Artes e das Letras nunha cerimonia en Madrid, en que Ortega comentou que "máis que ningunha outra cousa, a cociña é o que levou a Francia e a España a achegarse".[2]

Ademais de escribir libros de cociña, Ortega tivo unha columna na revista ¡Hola!, e era colaboradora habitual de varios programas de radio.[4] Os seus últimos libros foron escritos en colaboración coa súa filla, Inés Ortega Klein, chef e autora de libros de cociña.[4]

Obra[editar | editar a fonte]

  • 1.080 recetas de cocina (1972)
  • Nuevas recetas de cocina (1984)
  • Quesos españoles (1987)
  • La cocina de Madrid (1987)
  • El libro de los potajes, las sopas, las cremas y los gazpachos (1988)
  • Las mejores recetas de Simone Ortega (1990)
  • El Libro de Los Platos de Cuchara (2004)

Notas[editar | editar a fonte]

  1. Obituario de José Ortega en The Independent [Ligazón morta], consultado o 5 de decembro de 2007
  2. 2,0 2,1 2,2 2,3 Barcelona Degusta: Tribute to Simone Ortega Arquivado 05 de febreiro de 2008 en Wayback Machine., consultado o 5 de decembro de 2007
  3. About the book, consultado o 5 de decembro de 2007
  4. 4,0 4,1 ¡Hola!: Gastronomía Arquivado 19 de decembro de 2007 en Wayback Machine., consultado o 5 de decembro de 2007 (en castelán)