Este artigo amosa escritos khmer. Sen o soporte axeitado, o texto pode mostrar símbolos sen sentido, coma caixas, marcas e outros.
Siem Reap (en khmer:ក្រុងសៀមរាប, en tailandés:เสียมราฐ) é unha cidade da provincia de Siem Reap, no noroeste de Camboxa, ademais dun importante lugar turístico como porta de entrada á rexión de Angkor.[1][2] Trátase da quinta cidade máis poboada do país, con preto de 140.000 habitantes no 2024.[3]
Siem Reap acolleu varias das capitais do Imperio Khmer durante o século XV.[1] Porén, a historia dos khmer na rexión remóntase ao século VIII, coa chegada dos primeiros moradores.[4]
Siem Reap ten unha importante arquitectura colonial e de estilo chinés no antigo barrio francés, e preto do Mercado Vello. Ten museos, actuacións de bailes apsara tradicionais, granxas de sede, campos de arroz e un santuario de paxaros preto do Lago Tonle Sap.
Siem Reap é un destino turístico popular con gran número de hoteis, restaurantes e negocios relacionados co turismo.[1][2] Isto débese en grande medida pola proximidade cos templos de Angkor Wat, a atracción turística máis importante do país.[1][2]
.jpg?lang=gl)
