Sidonie

Na Galipedia, a Wikipedia en galego.
Saltar ata a navegación Saltar á procura
Sidonie
Sidonie.JPG
OrixeBarcelona, Cataluña Cataluña
Xénero(s)rock psicodélico
MembrosMarc Ros
Jesús Senra
Axel Pi

Sidonie é un grupo musical español de rock psicodélico que xurdiu en Barcelona a finais dos anos noventa.

Membros[editar | editar a fonte]

  • Marc Ros (voz, guitarra, baixo)
  • Jesús Senra (segundas voces, baixo, sitar, guitarras eléctrica e acústica)
  • Axel Pi (batería, táboas e bongos)

Historia[editar | editar a fonte]

Déronse a coñecer grazas a un concurso de novos talentos do pobo de L'Hospitalet, onde unha vez gañado, asinaron un contrato cunha pequena discográfica independente catalá chamada Bip Bip Records. Durante a estancia nesta compañía discográfica asinaron varios traballos como as maquetas: Dragonfly e Roja, pero, a que os catapultou á fama foi a homónima Sidonie, de onde se sacaron varias cancións que serviron como sintonía publicitaria. Sidonie Goes To Moog, utilizouse nos anuncios da cadea FNAC e Feelin' Down'01 para un anuncio do Estado. Este último foi polémico xa que o grupo Sidonie, enviou un comunicado explicando que eles non estaban de acordo coa mensaxe do Goberno nese anuncio e que ninguén lles dixo que a súa canción ía ser publicada con tales fins.

Obtiveron un gran éxito co disco debut Sidonie e foron contratados por Sony Music. Con esta compañía publicaron os seus seguintes discos: Shell Kids (un disco que seguía os pasos do do seu debut pero que non tivo tanta aceptación), La estación de la libélula (un disco de sinxelos e caras b), Fascinado (primeiro traballo con todas as cancións compostas en castelán), Costa azul, El incendio, El fluído García, Sierra y Canadá e El peor grupo del mundo.

Separadamente tamén fixeron colaboracións con outros grupos como, por exemplo, o grupo madrileño Pereza ou os cataláns Sopa de Cabra e Love of Lesbian. En 2005 colaboraron nun disco de panxoliñas con Marc Parrot. En 2018 publicaron Lo más maravilloso, un disco de recompilacións para celebrar o 20 aniversario do grupo. Incluíu unha versión do tema "Fascinados" no que colaboraron 29 artistas, entre eles Joan Manuel Serrat, Loquillo, Albert Pla, Carlos Sadness, Anni B Sweet ou os galegos Iván Ferreiro, Xoel López, Abraham Boba e Carlangas (Novedades Carminha).[1]

En todos os seus traballos nótase unha clara influencia de: George Harrison, Bowie, Pink Floyd (en especial mención a Syd Barrett). Cantan maioritariamente en español, aínda que, os seus primeiros traballos estaban compostos fundamentalmente en inglés.

Discografía[editar | editar a fonte]

Álbums de estudio[editar | editar a fonte]

Álbums de curta duración (EP)[editar | editar a fonte]

Álbums recompilatorios[editar | editar a fonte]

DVD[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]

  1. "Serrat, Leiva, Dani Martín... Sidonie consiguen que una treintena de artistas canten su Fascinados por su 20 aniversario" (en castelán). 23 de novembro de 2018. Consultado o 16 de xuño de 2020.