Sami Haapanen
Sami Haapanen, nado en Espoo o 16 de xaneiro de 1975 é un adestrador de hóckey sobre xeo finlandés, vinculado principalmente ao hóckey sobre xeo feminino, particularmente ao equipo do Kiekko-Espoo.
Haapanen comezou a súa carreira como adestrador xefe do KS Noux de Espoo na tempada 2002-03 da Naisten SM-sarja, equipo que tamén dirixiu na tempada seguinte xa na segunda categoría. Na tempada 2006-07 chegou ao banco das Espoo Blues como adestrador asistente, aínda que na tempada seguinte converteuse no adestrador xefe,[1][2] co que se proclamou campión de liga.[3]
En 2010, logo de revalidar o título na tempada 2008-09, levou o equipo de Espoo ás finais, mais caeu fronte o Ilves de Tampere. E logo de non conseguir ningunha medalla na tempada 2010-11, deixou o equipo.[3][1]
Logo do seu regreso ás Blues na tempada 2013-14 mantívose sempre como adestrador xefe do equipo, conseguindo cinco campionatos (2014, 2015, 2019, 2021 e 2022), dúas pratas (2017 e 2023) e un bronce (2016).[3]
Na tempada 2013-14 recibiu o trofeo Hannu Saintula como mellor adestrador da Naisten SM-sarja,[4] repetindo en 2019 e 2022.[5]
Notas[editar | editar a fonte]
- ↑ 1,0 1,1 "Sami Haapanen" (en inglés). eliteprospects.com. Consultado o 6 de maio de 2023.
- ↑ "Päävalmentaja Sami Haapanen" (en finés). Kiekko Espoo Naiset. Consultado o 6 de maio de 2023.
- ↑ 3,0 3,1 3,2 "Naisten SM:n mitalijoukkueet kautta aikojen" (en finés). Leijonat.fi. Consultado o 6 de maio de 2023.
- ↑ Mennander, Pasi (13 de abril de 2014). "Parhaan valmentajan Saintula-palkinto Sami Haapaselle - "Kyllä meitä koeteltiinkin"" (en finés). Leijonat.fi. Consultado o 6 de maio de 2023.
- ↑ Mennander, Pasi (12 de xuño de 2019). "Naisten Liigan kauden 2021–22 palkitut pelaajat ja tähtikentät" (en finés). Leijonat.fi. Consultado o 3 de decembro de 2022.
