Salviniáceas

A das salviniáceas (Salviniaceae) é unha familia de pteridófitas (fentos ou fieitos) da clase das polipodiópsidas, unha das dúas integradas na orde das salviniales

Taxonomía

Descrición

A familia foi descrita en 1820 polo botánico ruso Iván Martínov, nun traballo publicado en Tekhno-Bot. Slovar. 559.

Xéneros

A familia comprede os dous xéneros seguintes:

• Azolla Lam.
• Salvinia Ség.

Características

As principais características das salviniáceas son:

• Son plantas acuáticas pequenas e flotantes. Os seus talos son rastreiros, ramificados, con pelos pero sen verdadeiras raíces. As frondes (follas) están reunidas en verticilos de 3, con 2 follas verdes, sésiles ou curtamente pecioladas, planas, enteiras e flotantes, e unha folla finamente disecada, peciolada, semellante á raíz e pendente.
• As follas mergulladas levan soros rodeados dun indusio membranoso fixado á base (esporocarpo). Os esporocarpos son de 2 tipos, cuns poucos megasporanxios (aproximadamente 10), cada un cunha macróspora única, e moitos microsporanxios, cada un con 64 micrósporas. As esporas son, pois, de dous tipos e tamaños, ambas globosas.
• Os megagametófitos e os microgametófitos están adheridos á parede do esporanxio; os megagametófitos saen da parede e flotan na superficie da auga co arquegonio dirixido cara a abaixo; os microgametófitos permanecen fixados á parede do esporanxio.

Véxase tamén

Bibliografía

• Smith A. R., Pryer K. M., Schuettpelz E., Korall P., Schneider H. & Wolf P. G. (2006): "A classification for extant ferns". Taxon 55 (3): 705–731.

Outros artigos

• Polipodiópsidas
• Salviniales

Ligazóns externas

• Floating Ferns. Salviniaceae na EOL.
• Salviniaceae na Enciclopedia Británica.
• Salviniaceae Arquivado 03 de maio de 2021 en Wayback Machine. en Fossilworks.