Condado de Saare

Condado de Saare

Saare maakond (et)
Bandeira
Localización
58°25′00″N 22°35′00″L
País	Estonia
Capital	Kuressaare
Poboación
Poboación	32.021 (2024) (10,9 hab./km²)
Xeografía
Superficie	2.937,64 km²
Comparte fronteira con	Condado de Lääne Condado de Pärnu Condado de Hiiu
ISO 3166-2	EE-74

O condado de Saare (en estoniano: Saare maakond, ou Saaremaa, en latín: Osilia ou Oesel) é un dos 15 condados de Estonia. Está composto por Saaremaa, a maior illa de Estonia, e moitas illas menores preto dela. O condado limita no leste co condado de Lääne e co condado de Hiiu no norte. O 2,6% da poboación estoniana vive no condado de Saare.

Goberno rexional

O goberno do condado (en estoniano Maakonnavalitsus) é dirixido por un gobernador ou maavanem, que é nomeado polo goberno de Estonia por un período de cinco anos.

Xeografía

As maiores illas do condado son Saaremaa, Muhu, Ruhnu, Abruka e Vilsandi. A temperatura media anual é de 6.0 °C e a precipitación media anual de 509 mm.

Subdivisións administrativas

O condado está dividido en 3 concellos rurais (en estoniano vald):

• Muhu
• Ruhnu
• Saaremaa (incluíndo a cidade de Kuressaare)

Véxase tamén

Outros artigos

• Lista de illas do mar Báltico

Ligazóns externas

• Saaremaa - Web oficial do condado.
• Goberno do condado de Saare