S.L. Benfica (baloncesto)

S.L. Benfica
Información xeral
Liga	LPB
Fundación	20 de marzo de 1927
Cores	Azul, branco, negro
Presidente	José Tomaz
Adestrador	João Nuno Crespo
Patrocinador	Conservas Ramirez
Vestimenta	Adidas
Localización
Cidade	Lisboa, Portugal
Pavillón	Pavilhão Fidelidade
Capacidade	2.400
Inauguración	2003
Campionatos
Liga	27 (1940, 1946−1947, 1961−1965, 1970, 1975, 1985, 1985−1995, 2009−2010, 2012−2015, 2017)
Copa	22 (1946−1947, 1961, 1964−1966, 1968−1970, 1972−1974, 1981, 1992−1996, 2014−2017)
Supercopa	12 (1985, 1989, 1991, 1994−1996, 1998, 2009−2010, 2012−2015, 2017)
slbenfica.pt/basquetebol

A sección de baloncesto do Sport Lisboa e Benfica, un club polideportivo con sede na cidade de Lisboa, é un equipo portugués que milita na LPB, a máxima categoría do baloncesto deste país. Fundado en 1927, o club sempre adoitou xogar na máxima categoría. Isto mudou en xuño de 2007, cando o club decide deixar a liga profesional uníndose á Proliga, a segunda división. Porén, para a tempada 2008−09, o Benfica decide retornar á LPB.

O Benfica é o club portugués máis laureado, sendo o equipo que máis Ligas, Copas e Supercopas posúe. É ademais o club portugués que máis lonxe chegou no máximo campionato de clubs europeos, a Euroliga. Algún dos momentos máis memorábeis do club son as vitorias en enfrontamentos continentais ante clubs campións de Europa como o Buckler Bologna, o Real Madrid, o Cantù, o Cibona, o Joventut Badalona, o Panathinaikos, o Partizan ou o CSKA Moscova. Ao igual que no fútbol, o Benfica posúe unha forte rivalidade co F.C. Porto.

Historia

A sección de baloncesto do Sport Lisboa e Benfica foi fundada en 1927, o baloncesto seguiu os pasos de moitas outras seccións do club, acadando pronto un grande éxito.

O período de maior éxito do club tivo lugar entre 1985 e 1995, cando acadou dous récords nacionais: o da conquista consecutiva de campionatos nacionais durante sete tempadas, e o da conquista de máis campionatos durante un período temporal (10 títulos en 11 anos), liderados por Carlos Lisboa, considerado o mellor xogador portugués de baloncesto da historia. O concurso europeo tamén tivo momentos brillantes, coma o acceso á fase final da Liga de Campións en 1993 e 1994. Obtivo ademais algunhas vitorias fronte a clubs de maior categoría coma o Real Madrid, o Joventut de Badalona (da Liga ACB), e o Panathinaikos entre outros. Un dos momentos máis significativos tivo lugar o 4 de decembro de 1993, fronte aos italianos do Buckler Bologna, coa vitoria en Lisboa, no Pavilhão da Luz, por 102-90 na Euroliga.

Realizou a mellor tempada dun club portugués de baloncesto na 1994-95, gañando a LPB, Copa da Liga, Supercopa de Portugal, Copa de Portugal e rematando a Copa de Campións de baloncesto entre os 16 mellores clubs europeos. Logo de máis dunha década sen acadar ningún título, na tempada 2008-09 gañaron a LPB cun pleno de vitorias na liga regular, converténdose no segundo equipo do mundo en conseguilo.

Palmarés

Competicións domésticas

• Liga de Portugal
  • Campións (27, récord): 1939–40, 1945–46, 1946–47, 1960–61, 1961–62, 1962–63, 1963–64, 1964–65, 1969–70, 1974–75, 1984–85, 1985–86, 1986–87, 1988–89, 1989–90, 1990–91, 1991–92, 1992–93, 1993–94, 1994–95, 2008–09, 2009–10, 2011–12, 2012–13, 2013–14, 2014–15, 2016-17
• Taça de Portugal
  • Campións (22, récord): 1945–46, 1946–47, 1960–61, 1963–64, 1964–65, 1965–66, 1967–68, 1968–69, 1969–70, 1971–72, 1972–73, 1973–74, 1980–81, 1991–92, 1992–93, 1993–94, 1994–95, 1995–96, 2013–14, 2014–15, 2015-16, 2016-17
• Supertaça de Portugal
  • Campións (14, récord): 1985, 1989, 1991, 1994, 1995, 1996, 1998, 2009, 2010, 2012, 2013, 2014, 2015, 2017
• Taça da Liga
  • Campións (10, récord): 1989–90, 1990–91, 1992–93, 1993–94, 1994–95, 1995–96, 2010–11, 2012–13, 2013–14, 2014–15
• Troféu António Pratas LPB
  • Campións (4, récord): 2008, 2011, 2012, 2014
• Torneio dos Campeões
  • Campións (1): 2006–07
• Troféu António Pratas Proliga
  • Campións (1): 2007

Competicións internacionais

• Supertaça da Lusofonia
  • Campións (1): 2010

Véxase tamén

Ligazóns externas

• Sitio web oficial da sección de baloncesto do Benfica Arquivado 02 de decembro de 2011 en Wayback Machine.