Río San Lourenzo

Río San Lourenzo
	(en) Saint Lawrence River; (moe) Wepistukujaw Sipo; (mis) Moliantegok; (moh) Roiatatokenti; (mis) Kahnawáˀkye; (alq) Magtogoek; (wya) Lada8anna; (atj) Micta sipi
Tipo	río
Epónimo	Lourenzo mártir
Inicio
Continente	América do Norte
País da cunca	Canadá
División administrativa	Ontario, Canadá e Nova York, Estados Unidos de América
Localización	Lago Ontario
Final
División administrativa	Terra Nova e Labrador, Canadá
Localización	Golfo de San Lourenzo
	44°06′N 76°24′O / 44.1, -76.4; B 49°40′00″N 64°30′00″O / 49.6667, -64.5
Comparte fronteira con	Sillery (en) , norte ; Lévis (pt) , sur
Composto por	estuary of the Saint Lawrence River (en)
Afluentes	167
Conca hidrográfica	Saint Lawrence River basin (en)
Características
Altitude	43 m
Dimensións	1.197 () km ; rede de drenagem: 3.058 () km ;
Superficie da cunca hidrográfica	1.344.200 km²
Designated historic site (en)
Data	15 de xuño de 2017
Medicións
Caudal	10.400 m³/s

O río San Lourenzo (en francés fleuve Saint-Laurent; en inglés Saint Lawrence River; en tuscarora, Kahnawáˀkye;^[1] en mohawk, Kaniatarowanenneh, que significa "gran vía navegábel") é un dos principais ríos de Norteamérica, o colector dos Grandes Lagos, que conecta co océano Atlántico, no golfo de San Lourenzo.

No seu primeiro treito forma a fronteira natural entre os Estados Unidos e o Canadá, adentrándose despois en territorio canadense, nas provincias do Quebec e Ontario.

O San Lourenzo é un gran río que discorre polas latitudes medias do continente. Nace no lago Ontario, xunto a Kingston (na provincia de Ontario), para logo pasar polas cidades de Brockville, Cornwall, Montreal, Trois-Rivières e a cidade do Quebec. Desemboca no Atlántico despois de atravesar o homónimo estuario de San Lourenzo, o estuario máis grande do mundo, tras un percorrido de máis de 3 000 km (3 058 km, sendo o segundo río máis longo do Canadá e un dos 25 ríos máis longos do mundo. A súa cabeceira máis afastada é a do río North,^[2]

O río forma parte do sistema fluvial do San Lourenzo, que estaría formado pola seguinte sucesión de ríos e lagos: río North – río Saint Louis – lago Superior – río St. Marys – lago Hurón – río Sainte-Claire – lago Sainte-Claire – río Detroit – lago Erie – río Niágara – lago Ontario- río San Lourenzo – estuario de San Lourenzo. O río forma parte tamén da vía navegábel dos Grandes Lagos.

A súa conca hidrográfica —unha boa parte do continente norteamericano, que inclúe toda a rexión dos Grandes Lagos, o maior sistema de lagos de auga doce do mundo e que supón case o 25 % das reservas mundiais totais de auga doce— drena unha área de 1 344 200 km², dos que 839 200 km² se encontran no Canadá e 505.000 km² nos Estados Unidos. A conca comprende parte de das provincias canadenses de Ontario e Quebec e dos estados de Illinois, Indiana, Míchigan, Minnesota, Nova York, Ohio, Pensilvania, Vermont e Wisconsin. O caudal medio na boca é de 9 850 m³/s.^[3]

Notas

↑ Rudes, B. Tuscarora English Dictionary Toronto: University of Toronto Press, 1999.
↑ "Saint Lawrence River and Seaway". Encyclopedia Britannica.
↑ Natural Resources Canada, Atlas of Canada - Rivers Arquivado 20 de maio de 2006 en Wayback Machine.

Véxase tamén

[1] Rudes, B. Tuscarora English Dictionary Toronto: University of Toronto Press, 1999.

[Britannica-2] "Saint Lawrence River and Seaway". Encyclopedia Britannica.

[Atlas-3] Natural Resources Canada, Atlas of Canada - Rivers Arquivado 20 de maio de 2006 en Wayback Machine.

[1]

[2]

[3]