Rui Tavares
| Rui Tavares | |
|---|---|
 | |
| Nome completo | Rui Miguel Marcelino Tavares Pereira |
| Nacemento | 29 de xullo de 1972 |
| Lugar de nacemento | Lisboa |
| Nacionalidade | Portugal |
| Alma máter | Universidade de Lisboa e Universidade Nova de Lisboa |
| Ocupación | político e escritor |
| [ editar datos en Wikidata ] | |
Rui Miguel Marcelino Tavares Pereira, nado en Lisboa o 29 de xullo de 1972, é un escritor, historiador e político portugués.
Traxectoria[editar | editar a fonte]
Licenciado en Historia e Historia da arte, é especialista en historia e cultura do século XVIII. Colaborador habitual do xornal Público, a revista Blitz e a canle de televisión SIC Notícias. Elixido en 2009 deputado no Parlamento Europeo como independente integrado na lista do Bloco de Esquerda, en 2011 abandonou a delegación do BE no Parlamento Europeo, con duras acusacións contra o líder da formación Francisco Louçã.[1] Foi o redactor do relatorio sobre a situación dos dereitos fundamentais en Hungría logo da aprobación nese país da Lei Fundamental de 2011, e que a Comisión considerara que vulneraba dereitos e liberdades, restrinxía os poderes lexislativo e xudicial en beneficio do poder executivo e menosprezaba o Tribunal Constitucional,[2] e que o Parlamento Europeo aprobóu no fundamental o 3 de xullo de 2013.[3] Tavares foi en 2014 un dos fundadores do partido político Livre.
Nas eleccións lexislativas portuguesas de xaneiro de 2022, Tavares encabezou a candidatura do Livre polo distrito de Lisboa: con algo máis do 2% dos votos obtivo un escano, o único desa forza política.
Obras[editar | editar a fonte]
- O Arquitecto (teatro)
- O Fiasco do Milénio (crónicas)
- O Pequeno Libro do Grande Terremoto (historia)
- Pobre e Mal Agradecido
- O Regicídio
- A Ironia do Projecto Europeu
Notas[editar | editar a fonte]
- ↑ "Rui Tavares diz-se vítima de "caça ao independente" lançada por Louçã". Sapo notícias. 22 de xuño de 2011-06-22. Arquivado dende o orixinal o 27 de xullo de 2011. Consultado o 27 de agosto de 2015.
- ↑ Parlamento Europeo (ed.). "Relatório sobre a situação dos direitos fundamentais: normas e práticas na Hungria". Consultado o 29 de novembro de 2013.
- ↑ Parlamento Europeo (ed.). "Resolução do Parlamento Europeu, de 3 de julho de 2013, sobre a situação dos direitos fundamentais: normas e práticas na Hungria (em conformidade com a resolução do Parlamento Europeu de 16 de fevereiro de 2012)". Consultado o 28 de novembro de 2013.
