Rosemary Radford Ruether

Rosemary Radford Ruether

Biografía
Nacemento	2 de novembro de 1936 Saint Paul, Estados Unidos de América
Morte	21 de maio de 2022 (85 anos) Pomona, Estados Unidos de América
Datos persoais
País de nacionalidade	Estados Unidos de América
Relixión	Catolicismo
Educación	Claremont School of Theology (en) - Doutor en filosofía
Actividade
Campo de traballo	Teoloxía e feminismo
Ocupación	filósofa , escritora , ecoloxista , profesora universitaria , teólogo , feminista
Empregador	Universidade Howard (pt)
Lingua	Lingua inglesa
Obra
Arquivos en	Burke Library at Union Theological Seminary (en)

Rosemary Radford Ruether, nada en Saint Paul, Minnesota, o 2 de novembro de 1936 e finada en Pomona, California o 21 de maio de 2022, foi unha académica feminista, filósofa, escritora, teóloga católica e ambientalista estadounidense coñecida polas súas importantes contribucións ao campo da teoloxía feminista.

Foi unha defensora da Ordenación de mulleres, un movemento entre persoas relixiosas católicas que afirman a capacidade das mulleres para servir como sacerdotes. Desde 1985, foi membro da xunta do grupo Católicos pola Elección.

Teoloxía feminista

Segundo ela, as mulleres están excluídas dos roles académicos e do liderado dentro da teoloxía, o que levou á proliferación de actitudes e crenzas androcentristas. Sen mulleres capaces de contribuír ás importantes discusións e decisións que rodean a teoloxía e a práctica cristiás, nunca haberá unha representación equitativa da experiencia das mulleres nas crenzas e tradicións teolóxicas. A súa crenza é que calquera cousa que diminúa a humanidade da muller non debe ser un reflexo da intención divina. O principio máis importante da teoloxía feminista para ela, é a promoción da humanidade plena da muller na teoloxía e as tradicións cristiás. Para facer isto, non só débese recoñecer e codificar a experiencia feminina, senón que se debe revaluar a comprensión mesma de cousas como a experiencia e a humanidade.