Ronald Colman

Ronald Colman
Nome completo	Ronald Charles Colman
Nacemento	9 de febreiro de 1891
Lugar	Richmond, Londres
Falecemento	19 de maio de 1958
Lugar	Santa Barbara, California
Causa	Enfisema pulmonar
Nacionalidade	Reino Unido
Cónxuxe(s)	Thelma Raye (1920–1934) Benita Hume (1938–1958)
Profesión	Actor
Premios Premios Óscar Mellor actor 1948 - Dobre vida Globos de Ouro Mellor actor 1948 - Dobre vida
Na rede
http://www.ronaldcolman.com/
[ editar datos en Wikidata ]

Ronald Charles Colman, nado en Londres o 9 de febreiro de 1891 e finado en Santa Barbara, California o 19 de maio de 1958 foi un actor inglés.

Traxectoria

Tras descubrir o mundo da interpretación na escola debutou no teatro profesional en 1914. Enrolouse no exército británico e participou na primeira guerra mundial, durante a que foi ferido gravemente no nocello. Recuperado, aínda que cunha certa coxeira, volveu ao teatro.

Debutou no cinema británico en 1917. Durante unha xira polos Estados Unidos o director Henry King descubriuno e contratouno para o seu filme The White Sister, con Lillian Gish, que lle deu unha gran popularidade.

Os seus maiores éxitos chegaron co cinema sonoro, axudado polo seu acento inglés. En 1948 gañou o Oscar ao mellor actor por Dobre vida. No momento da súa morte fora contratado pola Metro-Goldwyn-Mayer como protagonista de Village of the Damned. Finalmente o filme pasou a ser unha produción británica, protagonizada por George Sanders, que casara coa viúva de Colman.

Filmografía

Ano	Filme
1929	Bulldog Drummond
1930	Condemned
1935	A Tale of Two Cities
1937	Lost Horizon
1937	The Prisoner of Zenda
1942	Random Harvest
1942	The Talk of the Town
1947	Dobre vida

Véxase tamén

Ligazóns externas

• Ronald Colman na IMDb (en inglés).
• Ronald Colman en Virtual History
• Ronald Colman