Rodrigo de Santiago
  | |
| Biografía | |
|---|---|
| Nacemento | 23 de setembro de 1907 Barakaldo, España |
| Morte | 30 de setembro de 1985 (78 anos) A Coruña, España |
| Actividade | |
| Ocupación | director de orquestra, musicólogo, compositor, pianista |
| Membro de | |
| Instrumento | Clarinete e piano |
 | |
Rodrigo Alfredo de Santiago Majó, nado en Barakaldo (Biscaia) o 23 de setembro de 1907 e finado na Coruña o 30 de setembro de 1985, foi un músico español.
Traxectoria
[editar | editar a fonte]Cursou estudos musicais no Conservatorio de Bilbao con Rafael Navarro (violín), Jesús Guridi (harmonía), José Sainz Basabe (composición) e Armand Marsik (orquestración e dirección). Aos dezaseis anos obtivo a praza de violinista na Orquestra Municipal de Bilbao.
Entre 1931 e 1936 foi director da banda de Mungia (Biscaia) e entre 1940 e 1947 da de Valencia de Don Juan (León). Entre 1947 e 1967 viviu na Coruña, dirixiu a Orquestra Municipal da Coruña e a Coral Polifónica El Eco. Durante estes anos desenvolveu o seu labor docente no Conservatorio coruñés de Música e Declamación como subdirector e catedrático de harmonía e composición.
Obra
[editar | editar a fonte]O seu labor creativo inclúe dúas zarzuelas, catro ballets, tres sinfonías e catro concertos. Compuxo tamén varias obras sínfonico-corais (entre elas un réquiem) e obras para banda, para diversos conxuntos instrumentais e para coro.
Amais deixou numerosos escritos musicais, tanto sobre música galega como sobre música vasca.
Véxase tamén
[editar | editar a fonte]Ligazóns externas
[editar | editar a fonte]- ERESBIL-Archivo Vasco de la Música Arquivado 05 de febreiro de 2016 en Wayback Machine., Fondo de Rodrigo de Santiago
- Historias de Erandio: Rodrigo Alfredo de Santiago
