Reiseñor do Xapón

Na Galipedia, a Wikipedia en galego.
Saltar ata a navegación Saltar á procura
Reiseñor do Xapón
Red-billed Leiothrix Mangoli Nainital Uttarakhand 03.02.2015.jpg
Estado de conservación
Pouco preocupante (LC)
Pouco preocupante[1]
Clasificación científica
Reino: Animalia
Filo: Chordata
Clase: Aves
Orde: Passeriformes
Familia: Leiothrichidae
Xénero: Leiothrix
Especie: L. lutea
Nome binomial
Leiothrix lutea
(Scopoli, 1786)
Ovo de Leiothrix lutea calipyga

O leiotrix pico-vermello[Cómpre referencia] ou reiseñor do Xapón[Cómpre referencia] (Leiothrix lutea) é unha especie de ave paseriforme da familia Leiothrichidae.

Distribución natural[editar | editar a fonte]

Especie orixinaria do sur de Asia, desde Tailandia até o sur de China.

O nome en galego pode resultar confuso xa que o reiseñor do Xapón nin é un reiseñor (aves da familia Muscicapidae) nin é orixinario do Xapón.

Distribución actual[editar | editar a fonte]

Algunhas poboacións foron introducidas no Xapón e Hawai onde só viven desde os anos 80 do século XX,tamén existen varias colonias en Europa de aves escapadas presentes en Portugal, Francia e en España onde está recoñecida como especie invasora debido ao seu establecemento na Serra de Collserola, xunto ao núcleo urbano de Barcelona.[2]

O carácter invasor desta especie motivou a prohibición da súa importación, venda, cría e liberación ao medio ambiente no Xapón.[3][4]

Conservación e ameazas[editar | editar a fonte]

A súa distribución é moi ampla desde o sur do Himalaia e sueste asiático até a China, o seu rango de distribución é moi grande e a UICN non a cataloga como especie ameazada a pesar da destrución do seu hábitat e a súa captura como ave de gaiola.[5]

Características[editar | editar a fonte]

Esta especie é moi apreciada polos amantes das aves do mundo enteiro debido a que o macho posúe un marabilloso canto equiparable ao do reiseñor común, ademais posúen unhas atractivas cores e adáptanse con facilidade á vida en catividade. A cría en catividade é moi complicada.

A alimentación do reiseñor do Xapón é principalmente insectívora, cazando todo tipo de insectos e vermes. Tamén se alimentan de bagas e froitas.

Carácter invasor en España[editar | editar a fonte]

Debido ao seu potencial colonizador e constituír unha ameaza grave para as especies autóctonas, os hábitats ou os ecosistemas, esta especie foi catalogada no Catálogo Español de Especies exóticas Invasoras, aprobado por Real Decreto 1628/2011, de 14 de novembro, estando prohibida en España a súa introdución no medio natural, posesión, transporte, tráfico e comercio.

Notas[editar | editar a fonte]

  1. BirdLife International (2012). "Leiothrix lutea". Lista Vermella de especies ameazadas. Versión 2013.2 (en inglés). Unión Internacional para a Conservación da Natureza. Consultado o 26 de novembro de 2013. 
  2. Leiothrix lutea CATÁLOGO ESPAÑOL DE ESPECIES EXÓTICAS INVASORAS
  3. [1] asahi.com
  4. [2] GISP News.
  5. BirdLife International 2008.

Véxase tamén[editar | editar a fonte]