Recep Tayyip Erdoğan

Na Galipedia, a Wikipedia en galego.
Recep Tayyip Erdoğan, 2010.

Recep Tayyip Erdoğan, nado en Beyoğlu (Estambul) o 26 de febreiro de 1954, é un político turco, elixido Primeiro Ministro o 14 de marzo de 2003. É o líder do Partido Xustiza e Desenvolvemento.

Traxectoria[editar | editar a fonte]

Naceu nunha familia descendente de inmigrantes xeorxianos orixinarios de Batum[1]. Con trece anos a súa familia mudouse desde Rize, pequena poboación na beira do mar Negro, a Estambul, onde anos despois estudou Política e Economía mentres traballaba de empregado nunha empresa de transporte e coma comerciante independente.

Política[editar | editar a fonte]

A mediados da década de 1970 adheriuse á organización de mozos do partido islamista (MSP)[2].

A súa carreira política viuse interrumpida polo golpe militar de 1980 e a consecuente proscripción do seu partido, pero en 1983, retornou á actividade política dentro do Partido da Prosperidade (Refah Partisi) do antigo portavoz do MSP, Necmettin Erbakan.

Trala vitoria electoral do Refah Partisi nas eleccións municipais de Estambul, intentou dirixir a cidade por medio de parámetros islámicos, introducindo medidas como reservar lugares á parte para homes e mulleres no transporte publico e as escolas.

En 1998 foi condenado a prisión tras recitar publicamente un poema de Ziya Gökalp ("as mesquitas son os nosos cuarteis, as cúpulas os nosos cascos, os minaretes as nosas baionetas e os crentes os nosos soldados").

En outono de 1998 Erdogan retirouse do partido vertu (FP)-sucesor do Refah Partisi - e pronunciouse a favor da separación entre a igrexa e o estado. En 2001 fundou o Partido Xustiza e Desenvolvemento (AKP), tomando para si a presidencia. O AKP resultou vencedor das eleccións parlamentarias de 2002, pero Erdogan debeu esperar varios meses antes de poder tomar posesión no cargo de Primeiro Ministro, debido ao antecedente carcelario.

Notas[editar | editar a fonte]

  1. "Kimlik Değişimi!", Milliyet, 13 de decembro de 2005.
  2. "Recep Tayyip Erdogan", Fundación CIDOB, 4 de setembro de 2007 (en castelán).