Ratatouille

Na Galipedia, a Wikipedia en galego.
(Redirixido desde "Ratatouille (gastronomía)")

A ratatouille é unha especialidade culinaria francesa, elaborada cun guisado de diversos vexetais e orixinaria da cidade de Niza aínda que tamén a encontramos na zona da Provenza. Con diferentes nomes e matices locais, existe en moitos países. Pode tomarse fría ou quente, soa ou como complemento de carnes e peixes.

Orixe[editar | editar a fonte]

A palabra ratatouille vén do Occitano ratatolha. Utilízase tamén na súa forma orixinaria en todas as linguas, incluíndo o inglés. A ratatouille tamén se denomina Valentine no sur da Francia e piperade en Euskadi. Elaborada con allo, olivas e cebolas, coñécese como "Bohémienne Languedocienne". A súa orixe está na área da Provenza e arredor da cidade de Niza. Orixinalmente, a palabra ratatouille refírese dende 1778 a un guisado heteroxéneo. A abreviatura rata utilízase no argot militar francés para designar unha mestura de fabas ou feixóns, patacas e legumes mesturados con talladas de carne normalmente graxenta. O "rata" é de feito un prato típico do rancho militar, sinxelo e rápido de facer.

Elaboración e consumo[editar | editar a fonte]

Prato de ratatouille.

A ratatouille está composta de legumes cocidos, sobre todo berenxenas, cebolas, cabazas, pementos, tomates e allo. Como en calquera receita xenérica, non hai unha composición exacta senón uns principios xerais a seren observados.

Para cociñala, hai dous métodos son posíbeis: cociñar todos os legumes ou vexetais xuntos ou realizar a súa cocción un a un primeiro e mesturalos ao remate da preparación. Os defensores da tradición provenzal como os chefes Vergé ou Gedda defende este método por partes.

A ratatouille é xeralmente servida como gornición acompañando carnes ou peixes, mais tamén pode ser servida como prato principal acompañada de arroz ou pan).

Tradicionalmente, é aconsellábel tomala con viños brancos, rosados ou tintos orixinarios da Provenza[1].

Variantes[editar | editar a fonte]

Noutros países da área mediterránea, tamén preparan pratos similares:

[2]

Galería de imaxes[editar | editar a fonte]

Notas[editar | editar a fonte]

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]