Río Duratón
| ||||
| Tipo | río curso de auga  | |||
|---|---|---|---|---|
| Inicio | ||||
| División administrativa | provincia de Valladolid, España | |||
| Localización | Peña Cebollera | |||
| Final | ||||
| División administrativa | Castela e León, España | |||
| Localización | Río Douro | |||
| ||||
| Afluentes | ||||
| Conca hidrográfica | Conca do Douro | |||
| Características | ||||
| Dimensións | 106 ( ) km | |||
| Superficie da cunca hidrográfica | 1.487 km² | |||
O Duratón é un río do centro de España, afluente pola marxe esquerda do río Douro que discorre polas provincias de Madrid, Segovia e Valladolid. Ten unha lonxitude de 106 km e drena unha conca de 1.487 km².
Xeografía
[editar | editar a fonte]O río Duratón nace no termo municipal de Somosierra (Madrid) a partir da confluencia do arroio das Pedrizas e do arroio da Peña, onde se atopan as ruínas do muíño da Peña del Chorro, nas saias de peña Cebollera, na serra de Ayllón. Abandona Madrid case ao comezo e intérnase na provincia de Segovia, onde pasa por Duratón, localidade á que dá nome, e rodea Sepúlveda, para ser encorado en Burgomillodo, e por San Miguel de Bernuy. É de novo encorado en Las Vencías e rega Fuentidueña, para desembocar na marxe esquerda do río Douro, xunto a Peñafiel, na provincia de Valladolid. Os seus afluentes son os ríos Hoz, Serrano, Caslilla e San Juan.
No seu tramo medio atópase o Parque Natural das Hoces del Río Duratón. Sobre un dos meandros que forman os canóns do río, no mesmo corazón do parque, eríxese a ermida dedicada a San Frutos, o lugar do parque que máis visitas recibe. A súa localización, ao pé do cantil, permite apreciar optimamente o canón que forma o río Duratón e o remanso que se crea co encoro da próxima presa de Burgomillodo.
O río Duratón pasa pola localidade valisoletana de Rábano, situada a nove quilómetros de Peñafiel, que é onde desemboca o río. O termo de Rábano é un coto de pesca moi demandado pola existencia da troita arco da vella así como do cangrexo sinal.
