Quebraondas

Na Galipedia, a Wikipedia en galego.

Este artigo tan só é un bosquexo
 Este artigo é, polo de agora, só un bosquexo. Traballa nel para axudar a contribuír a que a Galipedia mellore e medre.

Quebraondas do porto exterior da Coruña.
Un quebraondas na ponte de Rande.

Un quebraondas, ou crebaondas,[1] é unha estrutura costeira que ten por finalidade principal protexer a costa ou un porto da acción das ondas do mar ou do clima.

Son calculados, normalmente, para unha determinada altura de onda cun período de retorno especificado.

O cálculo e deseño dunha estrutura marítima deste porte, así como o de diques, molles ou peiraos, e outras estruturas marítimas, é realizado por enxeñeiros oceánicos ou especialistas en enxeñaría hidráulica, recorrendo a modelos físicos e/ou matemáticos.

Terminoloxía[editar | editar a fonte]

Estas estruras de defensa costeira, que se dispoñen transversalmente en relación á costa, e que teñen como funcións a retención de sedimentos de forma que impidan a erosión costeira desígnanse como espigón.[2]

As estruturas que teña como función fixar unha barra para asegurar a navegación chámanse molles.

Cando o quebraondas dispón dunha vía ou camiño para os viandantes poder transitar, recibe o nome específico de malecón. Como, por exemplo, o famoso malecón da Habana.

Nas pontes[editar | editar a fonte]

Tamén se chaman quebraondas unha parte dos piares dunha ponte, que ten a finalidade de aguantar a presión da auga. Son normalmente obras angulares colocadas do lado da corrente, denominándose montantes. Cando están do lado oposto, chámanse tallante, e serven de contrafortes.

Notas[editar | editar a fonte]

  1. Dicionario visual da construción (PDF). Colexio Oficial de Arquitectos de Galicia. Consultado o 21-8-2016. 
  2. espigón, 1ª acep., no dicionario da RAG.

Véxase tamén[editar | editar a fonte]

Outros artigos[editar | editar a fonte]