O Pyhäjärvi é un lago situado nas cidades de Akaa, Lempäälä, Nokia, Pirkkala, Tampere e Vesilahti, en Finlandia. O Pyhäjärvi esténdese dende Tampere ao norte ata Lempäälä ao sur en forma de "C". É o 36ª lago máis grande de Finlandia e o cuarto da rexión de Pirkanmaa por detrás do Näsijärvi, o Längelmävesi e o Vanajavesi,[1] é ademais o segundo lago máis grande da cidade de Tampere.[2]
O lago ten 124 km² e está situado a 77 msnm e ten unha profundidade máxima de 50,16 metros.[1]
As augas do Näsijärvi flúen cara ao sur a través do Tammerkoski ata a parte norte do Pyhäjärvi no centro da cidade de Tampere, mentres que ao sur recibe as augas do Vanajavesi a través do Kuokkalankoski en Lempäälä.[1]
Entre as atraccións do lago encóntrase a illa de Viikinsaari, unha das numerosas illas coas que conta o lago. Situada a 20 minutos en barco dende o centro de Tampere, Vikiinsaari conta con numerosos atractivos turísticos durante o verán.[3]
