Putten
Coordenadas: 52°14′29″N 5°38′32″L / 52.24139, -5.64222
| Putten | |||
|---|---|---|---|
| |||
 | |||
| Vista do centro da vila | |||
| Localización | |||
| País |  Países Baixos | ||
| Provincia | Güeldres | ||
| Xeografía | |||
| Altitude | 17 msnm | ||
| Superficie | 87,50 km² | ||
| Demografía | |||
| Poboación | 24 198 habitantes (2019) | ||
| Densidade | 284 hab./km2 | ||
| Xentilicio | Puttenaar | ||
| Outros datos | |||
| Código postal | 3880–3882 | ||
| Alcalde | Henk Lambooij (SGP) | ||
| www.putten.nl | |||
.svg)
Putten (pronunciación en neerlandés: [ˈpʏtə (n)]) é unha cidade e municipio da provincia de Güeldres, Países Baixos.
Encóntrase na zona costeira do antigo Zuiderzee. Ao leste de Putten encóntrase Veluwe, o parque nacional máis grande dos Países Baixos. Ao norte, leste e oeste, Putten está rodeado de terras de cultivo.
Sitado a unha altitude media de 17 msnm,[1] o municipio conta cunha extensión de 87,50 km²,[2] e no ano 2019 tiña unha poboación de 24 198 habitantes,[3] polo que a súa densidade de poboación nese ano era de 284 hab./km2.
Historia[editar | editar a fonte]
Até a Segunda Guerra Mundial[editar | editar a fonte]
O documento oficial máis antigo no que se menciona a Putten remóntase ao ano 855. Porén, xa existían pequenos asentamentos durante a época romana. Despois da fundación da actual igrexa principal no século X, a comunidade converteuse no centro de varios asentamentos máis pequenos. Partes de Nijkerk e Voorthuizen tamén se convertieron en parte da área de Putten, até que en 1530 Nijkerk, e máis tarde tamén Voorthuizen, transformáronse en comunidades independentes.
Até 1356, cando se constríu un dique, a costa cambiaba con frecuencia, inundando terras agrícolas no oeste de Putten. Porén, a auga seguía sendo unha ameaza e o dique rompeu varias veces. A última gran inundación foi en 1916, cando gran parte de Putten se inundou. Despois de que se construíu o Afsluitdijk no norte dos Países Baixos, o Zuiderzee converteuse nun lago (1927-1933) a xa non representa unha ameaza.
A agricultura sempre foi unha fonte importante de ingresos en Putten. A fabricación de papel tamén foi importante desde os séculos XVII ao XIX. A partir de finais do século XIX comezou o turismo na zona, axudado pola chegada do ferrocarril en 1863. Isto facilitou á xente doutros pobos as vacacións nas pensións que se construíran en Putten. Entre as persoas doutros lugares tamén había pacientes que padecían tuberculose e enfermidades similares, que se beneficianan da luz do sol e do aire limpo, e se recuperaban en varios sanatorios.
Putten sufriu considerabelmente pola violencia militar. Durante os séculos XV, XVI e XVII, Putten foi incendiado polo menos en cinco ocasións.
Segunda guerra mundial[editar | editar a fonte]
Unha das maiores incursións nazis realizadas nos Países Baixos durante a segunda guerra mundial tivo lugar en Putten. Os días 1 e 2 de outubro de 1944, a maioría da poboación masculina foi deportada da vila, e a maioría deles morreron en campos de concentración como Neuengamme e Birkenau. Despois da guerra, dous dos oficiais alemáns responsábeis foron xulgados e condenados por esta acción. As redadas foron unha represalia por un ataque da resistencia local que matou a un oficial da Wehrmacht preto de Nijkerk. O 1 e o 2 de outubro conmemóranse todos os anos en Putten. Un monumento de guerra na igrexa de Putten e un xardín conmemorativo (Vrouwtje van Putten Herdenkingshof) conmemoran o suceso e a perda de vidas.
| Número total de homes deportados | 661 |
| Levados a Amersfoort | 59 |
| Deportados a Neuengamme | 602 |
| Saltaron do tren no camiño a Neuengamme | 13 |
| Chegados a Neuengamme | 589 |
| Volveron a Putten despois da liberación | 49 |
| Mortos en campos de concentración alemáns | 540 |
| Asasinados durante a redada | 7 |
| Mortos pouco despois do regreso | 5 |
| Númeo total de mortos | 552 |
Galería[editar | editar a fonte]
De Herikon. Putten
Groot Spriel
Castelo de Vanenburg
Memorial da guerra na igrexa de Putten
Hamburgo. Memorial do campo de concentración de Neuengamme. En memoria das vítimas da deportación de 1944
Notas[editar | editar a fonte]
- ↑ "Postcodetool for 3881BZ". Actueel Hoogtebestand Nederland. Het Waterschapshuis. Consultado o 17 de xullo de 2021.
- ↑ "Kerncijfers wijken en buurten 2020". StatLine. CBS. 24 de xullo de 2020. Consultado o 17 de xullo de 2021.
- ↑ "Bevolkingsontwikkeling; regio per maand". CBS Statline. 1 de xaneiro de 2019. Consultado o 17 de xullo de 2021.
