Pubilla Cases

Pubilla Cases

Localización
41°22′27″N 2°06′09″L
Estado	España
Comunidade autónoma	Cataluña
Provincia	provincia de Barcelona
Ámbito funcional territorial	Ámbito metropolitano de Barcelona
Comarca	Barcelonès
Concello	L'Hospitalet de Llobregat

Barrios de L'Hospitalet

Avinguda de Tomás Giménez

Pubilla Cases é un barrio da cidade de L'Hospitalet de Llobregat, na provincia de Barcelona, que forma parte do Distrito V xunto co limítrofe barrio de Can Serra.

Limita ao norte co concello de Barcelona, ao oeste co de Esplugues de Llobregat, ao sur co barrio de Can Serra e ao leste cos barrios de Collblanc, La Florida e Les Planes. Os seus principais núcleos de actividade son as avenidas de Severo Ochoa e Tomás Giménez.

No barrio atópase un dos edificios máis emblemáticos da cidade, unha casa señorial que pertenceu a Josefa Casas Clavé, "la pubilla Casas", construída en 1771 e que hoxe en día alberga un centro de educación. Hai tamén un gran equipamento deportivo, o complexo educativo L'Hospitalet Nord, o antigo Hospital da Cruz Vermella e o actual Hospital Xeral de L'Hospitalet. Na Plaça de la Bòbila hai unha moderna biblioteca.

Transporte público

Está comunicado co metro de Barcelona a través das estacións Pubilla Cases e Can Vidalet da liña 5. Tamén hai dúas estacións do Trambaix: Can Rigal e Ca n'Oliveres. Tamén hai varias liñas de autobuses urbanas e interurbanas que comunican Pubilla Cases co resto de barrios de L'Hospitalet, con Barcelona e co Baix Llobregat.