Premio María Victoria Moreno de Literatura Xuvenil

Na Galipedia, a Wikipedia en galego.
Saltar ata a navegación Saltar á procura

O Premio María Victoria Moreno de Literatura Xuvenil está convocado polo Concello de Pontevedra e a editorial Urco. Comezou a editarse no ano 2018.[1]

Este premio quere honrar a figura de María Victoria Moreno e promover unha creación literaria de calidade para o público xuvenil.

Antonio Manuel Fraga foi o gañador da primeira edición de 2018 con O bestiario científico de Anxos Nogueirosa. Resultaron finalistas os orixinais presentados baixo os lemas Be Water e Irmá Paxaro. O xurado, formado por Montse Pena Presas, Eli Ríos, Andrea Martínez, M.ª Carme Hermida e Andrea Jamardo Seijo destacaron de O bestiario científico de Anxos Nogueirosa a fortaleza das personaxes femininas e o feito de introducir o bestiario máxico galego nun contexto histórico[2].

O II premio de 2019 foi para Beatriz Maceda Abeleira. Os integrantes do xurado destacaron no traballo titulado Ardora "o compromiso que no traballo se mantén co ecoloxismo e tamén co público potencial: lectores que aínda se atopan durante os seus primeiros anos da adolescencia".[3] Presentáronse 17 obras.

O III premio de 2020 foi para Lorena Conde por Velloucas e minchas[4]. Segundo a autora "son mozas preadolescentes e mulleres no final da vida. Fixen protagonistas a personaxes que normalmente son secundarios". O relato ten como protagonistas a cinco mulleres, dous adolescentes e tres anciás, e a trama comeza cando unha das mozas ten que ir vivir coa súa avoa para, xuntas, enfrontarse e resolver os problemas de cada unha. Lorena Conde foi alumna no instituto de María Victoria Moreno.[5]

O IV premio de 2021, convocado polo Concello e Pontevedra e a editorial Cuarto de Inverno, foi para Pilar Ortega Pereiro por O segredo de Al´eume. O xurado destacou o sentido do humor fresco, a lectura áxil e a posta en valor do patrimonio natural galego.[6]

Gañadores[editar | editar a fonte]

  • 2018 (1ª): Antonio Manuel Fraga.
  • 2019 (2ª): Beatriz Maceira Abeleira.
  • 2020 (3ª): Lorena Conde por Velloucas e minchas.
  • 2021 (4º): Pilar Ortega Pereiro por O segredo de Al´eume.

Notas[editar | editar a fonte]

  1. Salón do Libro (ed.). "I Premio María Victoria Moreno". Arquivado dende o orixinal o 12 de abril de 2018. Consultado o 11 de abril de 2018. 
  2. "Antonio Manuel Fraga gaña o premio María Victoria Moreno". La Voz de Galicia. Consultado o 27/04/2018. 
  3. "A escritora Beatriz Maceda Abeleira vence no II Premio María Victoria Moreno". Pontevedra Viva. Consultado o 2019-04-11. 
  4. Pontevedra, Diario de (2020-09-15). "Lorena Conde gaña o III Premio María Victoria Moreno". Diario de Pontevedra. Consultado o 2020-09-16. 
  5. "A pontevedresa Lorena Conde é a gañadora da terceira edición do certame literario María Vitoria Moreno". Pontevedra Viva. Consultado o 2020-09-16. 
  6. Buela, Ana (2021-09-15). "A enxeñeira, profesora de tecnoloxía e escritora Pilar Ortega Pereiro gaña o IV Premio María Victoria Moreno convocado polo Concello e Cuarto de Inverno". Concello de Pontevedra. Consultado o 2021-09-16. 

Véxase tamén[editar | editar a fonte]

Outros artigos[editar | editar a fonte]